ეკა ბესელია გახარიას პრემიერად წარდგენაზე - ეს პირდაპირი გამოწვევაა საზოგადოების იმ ნაწილის, რომელიც პრინციპულად აყენებდა გიორგი გახარიას პასუხისმგებლობის საკითხს

ეს არის საკუთარი ინტერესებით მიღებული გადაწყვეტილება, - ასე აფასებს დეპუტატი ეკა ბესელია „ინტერპრესნიუსთან" საუბარში სამთავრობო ცვლილებებს, რომლის მიხედვითაც პრემიერ-მინისტრის პოსტზე გიორგი გახარიაა წარდგენილი, შსს მინისტრის პოსტზე ვახტანგ გომელაური ხოლო თავდაცვის სამინისტროს ხელმძღვანელად ირაკლი ღარიბაშვილი.

როგორც ბესელიამ აღნიშნა, გახარიას პრემიერად წარდგენა მოულოდნელი არ იყო, რადგან ბოლო დღეების განმავლობაში ძალიან აქტიურად განიხილებოდა ეს ვერსია.

დეპუტატის შეფასებით, ეს არის პირდაპირი გამოწვევა საზოგადოების იმ ნაწილის, რომელიც ძალიან კრიტიკულად და პრინციპულად აყენებდა გიორგი გახარიას პასუხისმგებლობის საკითხს.

„მეორე მხრივ რომ შევხედავთ, ვნახავთ როგორი კომბინაციაა საკუთარი ძალაუფლების განმტკიცების. ერთის მხრივ მინისტრი, რომლის გადადგომასაც საზოგადოების გარკვეული ნაწილი ითხოვდა, აღარ არის პოსტზე, ფორმალურად მოთხოვნა დაკმაყოფილდა, თუმცა მეორე მხრივ ის დაწინაურდა და ამით ერთგვარი ხაზგასმაა ძალის დემონსტრირების",-განაცხადა ეკა ბესელიამ და იქვე დასძინა, რომ გახარიას სავარაუდოდ, დეპუტატების მხრიდან მხარდაჭერა ექნება და თუ არ ექნა, ესეც გუნდში წინასწარ შეთანხმებული იქნება.

„ის, რომ რაიმე სახის სურპრიზი მოხდეს და არ მოიძებნოს 75 ადამიანი, რომელიც ამ გადაწყვეტილებას მხარს არ დაუჭერს, ძნელი წარმოსადგენია. მგონი ყველა კარგად ვხედავთ რა სურათიც არის შექმნილი", - განაცხადა ეკა ბესელიამ.

დეპუტატი ასევე შეეხო ძალოვან სტრუქტურებში დაგეგმილ ცვლილებებს. მისი თქმით, ვახტანგ გომელაურის შს-ს მინისტრად დანიშვნა უცნაური არ ყოფილა, თუმცა კითხვის ნიშნებს იწვევს თავდაცვის მინისტრის შეცვლის ფაქტი.

„ახსნა სჭირდება თავდაცვის მინისტრის შეცვლის საკითხს იმიტომ, რომ როგორც ცნობილია, მას ჰქონდა ძალიან კარგი მხარდაჭერა ქვეყნის მთავარი სტრატეგიული პარტნიორისაგან. ეს არის ძალიან უცნაური გადაწყვეტილება. მთლიანობაში ეს ყველაფერი არჩევნების წინ ძალის დემონსტრირებას და ძალაუფლების შენარჩუნებას ემსახურება“, - განაცხადა ეკა ბესელიამ.

შეგახსენებთ, „ქართულმა ოცნებამ“ პრემიერ-მინისტრის პოსტზე შს მინისტრი გიორგი გახარია წარადგინა. შინაგან საქმეთა მინისტრის პოსტს ვახტანგ გომელაური, თავდაცვის მინისტრის თანამდებობას კი ირაკლი ღარიბაშვილი დაიკავებს.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)