ვანო მაჭავარიანი - უსაფრთხოების საბჭოს შესახებ კანონი გახარიაზე დაიწერა, ახლა კანონს მოარგებენ იზორიას

კანონი დაიწერა გახარიაზე, უსაფრთხოების საბჭო არ არის საკონსიტუციო ორგანო, როგორც წინა კონსტიტუციაში იყო და, შესაბამისად, თუ დაჭირდებათ გადააკეთონ და მოარგონ უკვე იზორიას, ამ ცვლილებასაც შეიტანენ ისე, რომ რეალურად არაფერი არ შეიცვლება ამ საბჭოს მუშაობაში,- ასე ეხმაურება ექსპერტი ვანო მაჭავარიანი ლევან იზორიას უსაფრთხოების საბჭოს მდივნად დანიშვნის შესახებ განცხადებას.

მისი თქმით, გახარიას პრემიერ-მინისტრობა გულისხმობს იმას, რომ ის „იქნება პირი, რომელსაც დაეკისრება პასუხისმგებლობა მთელ პროცესებზე, რომელიც წარიმართება წინსააარჩევნოდ ან შემდგომში, ჩვენ პარტნიორ ქვეყნებთან ურთიერთობაში“.

მაჭავარიანმა ასევე აღნიშნა, რომ სამთავრობო ცვილებები უცნაურია.

„ის, რომ იზორია მოხსნილია თავდაცვის მინისტრის თანამდებობიდან და ცდილობენ, რომ მისთვის იპოვონ ადგილი, ეს კიდევ ერთხელ მიანიშნებს იმ პრობლემას, რომელიც არის „ქართულ ოცნებაში“, როგორც პარტიაში, ისე მმართველობით სისტემაში. რაც შეეხება უსაფრთხოების საბჭოს და გადაცვლებებს, კანონი დაიწერა გახარიაზე. უსაფრთხოების საბჭო არ არის საკონსტიტუციო ორგანო, როგორც წინა კონსტიტუციაში იყო და შესაბამისად, თუ დაჭირდებათ გადააკეთონ და მოარგონ უკვე იზორიას, ამ ცვლილებასაც შეიტანენ ისე, რომ რეალურად არაფერი არ შეიცვლება ამ საბჭოს მუშაობაში. ამ ეტაპზე მიუხედავად უამრავი გამოწვევისა და კრიზისისა, მათ შორის გამყოფ ხაზთან, საბჭო ერთხელაც კი არ შეკრებილა. ეს არის პოლიტიკური წარდგენა, შესაბამისად, თუ ცვლილებებია საჭირო, მოარგებენ იზორიას, როგორც მოარგეს გახარიას, ზუსტად იმ თანამდებობის მიხედვით, რომელიც მას ეკავა და გამომდინარე იქიდან, რომ არ არის საჭირო საკონსტიტუციო ცვილებები, დიდი ალბათობით სწორედ ის ცვლილებები იქნება შეტანილი უსაფრთხოების საბჭოს სტრუქტურაში და დებულებაში”,- განაცხადა მაჭავარიანმა.

თავდაცვის უკვე ყოფილი მინისტრი ლევან იზორია უსაფრთხოების საბჭოს უხელმძღვანელებს.

"ეროვნული უსაფრთხოების პოლიტიკის დაგეგმვისა და კოორდინაციის წესის შესახებ" კანონში ცვლილებების თანახმად, ეროვნული უსაფრთხოების საბჭოს მდივნის ფუნქცია საბჭოს ერთ-ერთ მუდმივ წევრს ეკისრება, მუდმივი წევრები კი არიან: პრემიერ-მინისტრი, თავდაცვის მინისტრი, შინაგან საქმეთა მინისტრი, საგარეო საქმეთა მინისტრი, ფინანსთა მინისტრი, სახელმწიფო უსაფრთხოების სამსახურის უფროსი, დაზვერვის სამსახურის უფროსი და საქართველოს თავდაცვის ძალების მეთაური, თუმცა როგორც ჟურნალისტებს ფრაქცია „ქართული ოცნების“ თავმჯდომარე მამუკა მდინარაძემ განუცხადა, „იზორიას უსაფრთხოების საბჭოს მდივნად დანიშვნა პრობლემა არ არის“.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა