„ინტერ მედია პლიუსის“ დირექტორი  ზურაბ იაშვილი 50 000-ლარიანი გირაოს შეფარდებასთან დაკავშირებულ გადაწყვეტილებას გაასაჩივრებს

„რუსთავი 2“-ის საქმეზე ბრალდებული „ინტერ მედია პლიუსის“ დირექტორი ზურაბ იაშვილი აცხადებს, რომ თბილისის საქალაქო სასამართლოს გადაწყვეტილებას აღკვეთის ღონიძიების სახით 50 000-ლარიანი გირაოს შეფარდებასთან დაკავშირებით, გაასაჩივრებს, თუმცა თუ სასამართლო მის სარჩელს არ დააკმაყოფილებს, ის გირაოს გადაიხდის.

როგორც ბრალდებულმა სასამართლო პროცესის დასრულების შემდეგ განაცხადა, მის მიმართ წაყენებული ბრალდება სიმართლეს არ შეესაბამება და ყველა ტრანზაქცია კანონის ფარგლებშია განხორციელებული.

„გადაწყვეტილებას ჯერ გავასაჩივრებ და თუ არ დაკმაყოფილდა, გადავიხდი გირაოს. რაც შეეხება ბრალდებას, გუშინაც აღვნიშნე, რომ არ ვეთანხმები. საქმის მასალებს გავეცანი და ადვოკატთან ერთად ვადასტურებ, რომ საერთოდ შორს არის სიმართლისგან ის ბრალდება, რაც მაქვს წაყენებული. ყველა ტრანზაქცია, უძრავი ქონების ყიდვა-გაყიდვა განხორციელებულია კანონის შესაბამისად", - განაცხადა ზურაბ იაშვილმა.

თბილისის საქალაქო სასამართლომ დააკმაყოფილა პროკურატურის შუამდგომლობა და „რუსთავი 2“-ის საქმეზე ბრალდებულ „ინტერ მედია პლიუსის“ დირექტორს, ზურაბ იაშვილს, აღკვეთის ღონისძიების სახით 50 000- ლარიანი გირაო შეეფარდა.

ამასთან, მას ეკრძალება საგამოიებო ორგანოს ინფორმორების გარეშე, ქვეყნიდან გასვლა და საქართველოს საზღვრის დატოვება.

ცნობისთვის, გენერალურმა პროკურატურამ 6 სექტემბერს, „რუსთავი 2“-ის საქმეზე ბრალი ნიკა გვარამიას, ასევე „რუსთავი 2“-ის ყოფილ ფინანსურ დირექტორს კახა დამენიასა და „ინტერ მედია პლიუსის“ დირექტორს ზურაბ იაშვილს წაუყენა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა