დავით ჭიჭინაძე გიორგი გახარიას - მაინტერესებს, რას ვემსგავსებით?

მაინტერესებს რას ვემსგავსებით, სახელმწიფოს ფორმას ვკარგავთ თუ რა? პოლიტიკური ელიტა მდიდრდება და ჩვენი მოსახლეობის ქვედა დონე ღარიბდება და ღარიბდება, - ასე მიმართა პარლამენტის დამოუკიდებელმა დეპუტატმა დავით ჭიჭინაძემ პრემიერობის კანდიდატს, გიორგი გახარიას პლენარულ სხდომაზე, სადაც მთავრობის ახალი შემადგენლობისთვის ნდობის გამოცხადების საკითხი განიხილება.

ჭიჭინაძემ ქვეყანაში კორუფციის მაჩვენებელზე ისაუბრა და შესაბამისი არგუმენტები მოიყვანა, თუ რატომ ფიქრობს, რომ ქვეყანა „90-იანი წლების სქემაში ბრუნდება“.

„კორუფციასთან ბრძოლა იქნა გაჟღერებული და ძალიან საინტერესოა, რა მეთოდი იქნება გამოყენებული. ჩვენ ვნახეთ, რომ ბოლო პერიოდში , ქვეყანაში 90-იანი წლების სქემები დაბრუნდა. ყალბი დღგ-ების კომბინაციები და ამ მიმართულებით ძალიან საინტერესო მოცემულობა გვაქვს, რამდენიმე ასეული მილიონია ბიუჯეტზე მიყენებული ზიანი და დღეს რასაც ვხედავთ, გირაოში შეტანილია ორი-სამი მილიონი. ახალი სქემაა, მგონი. რა მოხდა, ადამიანები მოიპარავენ 100 მილიონს და გადაიხდიან 1 მილიონს. მაინტერესებს, ამ ქვეყანაში, როდესაც ასეთი სქემები ტრიალებდა, ვინმე მაღალი თანამდებობის პირი რატომ არ არის დაკავებული დღეს? ასეთი რაღაცები ყველას მოგვეხსენება, რომ ზემოდან მფარველობის გარეშე არ ხდება.

მარტივი მაგალითი მინდა მოვიყვანო, რამდენიმე თვის წინ საბაჟოს მივმართე, პასუხს არ უბრუნებდნენ ერთ-ერთ მეწარმეს, როდესაც მან ტექნიკა შემოიყვანა განბაჟებისთვის, წელიწადნახევარი იდგა ტექნიკა საბაჟოზე და ბოლოს პასუხი მივიღე, რომ ტექნიკა მოუპარიათ საბაჟო ტერმინალიდან და შსს გამოძიებას აწარმოებდა. მაინტერესებს რას ვემსგავსებით, სახელმწიფოს ფორმას ვკარგავთ თუ რა?როდესაც სამართლიანობაზე ვსაუბრობთ, სამართლიანობაში რა იგულისხმება, უბრალოდ სამართლებრივი დასჯა თუ იმ ნაკლოვანებების აღმოფხვრა, რომელიც დღეს არსებობს და კიდევ უფრო ღრმავდება, პოლიტიკური ელიტა უფრო და უფრო მდიდრდება, უფრო და უფრო კლანური მმართველობა ხდება ქვეყანაში და ქვედა დონე ჩვენი მოსახლეობის უფრო ღარიბდება და ღარიბდება“,-განაცხადა დავით ჭიჭინაძე,

პლენარულ სხდომას,სადაც მთავრობის ახალი შემადგენლობისთვის ნდობის გამოცხადების საკითხი მიმდინარეობს სიტყვით უკვე გამოვიდა პრემიერ-მინისტრობის კანდიდატი.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"