თბილისის სახელმწიფო სამედიცინო უნივერსიტეტის სტუდენტებმა საზაფხულო სკოლა უტრეხტში გაიარეს

თბილისის სახელმწიფო სამედიცინო უნივერსიტეტის მედიცინის და სტომატოლოგიის ფაკულტეტების სტუდენტებმა მონაწილეობა მიიღეს უტრეხტის უნივერსიტეტში (ნიდერლანდების სამეფო) საზაფხულო სკოლაში. როგორც „ინტერპრესნიუსს“ თბილისის სახელმწიფო სამედიცინო უნივერსიტეტიდან აცნობეს, სკოლა ხორციელდებოდა უტრეხტის მედიცინის ცენტრის ანატომიის და ქირურგიის დეპარტამენტის ხელმძღვანელის, თბილისის სახელმწიფო სამედიცინო უნივერსიტეტის საპატიო დოქტორის, პროფესორ რონალდ ბლეისის და თბილისის სახელმწიფო სამედიცინო უნივერსიტეტის ადამიანის ნორმალური ანატომიის დეპარტამენტის ასოცირებული პროფესორის, დავით თოფურიას ხელმძღვანელობით.

მათივე ცნობით, სტუდენტებს საშუალება ჰქონდათ გაევლოთ თავის, კისრის, გულმკერდისა და მუცლის ანატომიური დისექციის კურსი უტრეხტის სამედიცინო ცენტრში, ანატომიის დეპარტამენტში.

„საზაფხულო სკოლაში ყოფნის პერიოდში თსსუ-ის სტუდენტები ინტენსიურად მუშაობდნენ არა მარტო დისექციის ტექნიკის ასათვისებლად, არამედ, კურსის ფარგლებში, სწავლობდნენ ანატომიური აგებულების დეტალურ გარჩევას. თითოეულ სტუდენტს, დამოუკიდებელი მუშაობისთვის, დაურიგდა თეორიული მასალა, რომლის საფუძველზეც, ყოველდღიურად სტუდენტები ამზადებდნენ მოხსენებებს თემატიკის მიხედვით.

ამასთანავე, ზაფხულის სკოლის მონაწილეებს საშუალება ჰქონდათ, მოენახულებინათ უტრეხტის უნივერსიტეტის ანატომიური მუზეუმი, სადაც გაეცნენ ანატომიური პრეპარატების დამზადების სხვადასხვა ტექნიკას და მუზეუმის ისტორიას.

თბილისის სახელმწიფო სამედიცინო უნივერსიტეტის სტუდენტებისთვის, ასევე, უაღრესად საინტერესო იყო უტრეხტის სამედიცინო ცენტრში არსებული დეპარტამენტების მუშაობის სტილის გაცნობა.

პროგრამა წარმატებით დაასრულა თსსუ-ის 75 სტუდენტმა“, - ნათქვამია ინფორმაციაში.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 17.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა