ნინო ბურჯანაძე - ნატო-ში გაწევრიანების შემთხვევაში სამუდამოდ ვკარგავთ აფხაზეთს და სამაჩაბლოს

„თუ ასეთი გულშემატკივრები არიან საქართველოსი, მაშინ კვიპროსის მოდელით ჯერ ევროკავშირში მიგვიღონ და ნატო-ში მიღება-არმიღებაზე მერე ვილაპარაკოთ. ევროკავშირში გაერთიანება საქართველოსთვის გაცილებით მეტი გარანტიები იქნება როგორც ეკონომიკური განვითარების, ასევე დემოკრატიული ინსტიტუტების განვითარების და ქვეყნის უსაფრთხოების განვითარების თვალსაზრისით, ვიდრე ნატო-ში გაწევრიანება“, - განაცხადა „ერთიანი საქართველო - დემოკრატიული მოძრაობის“ ლიდერი ნინო ბურჯანაძე.

მისი განმარტებით, ნატო კარგია იმ სახელმწიფოებისთვის, რომლებიც უკვე არიან მისი წევრები, მაგრამ საქართველოსთვის 2008 წლის შემდეგ ნატო-ში გაერთიანება არის სახელმწიფოებრივად გამანადგურებელი, ვინაიდან ნატო-ში გაერთიანების შემთხვევაში რუსეთის ხელისუფლება აღარასდროს არ გაიყვანს რუსულ ბაზებს აფხაზეთიდან და სამაჩაბლოდან.

„აფხაზეთში და სამაჩაბლოში დგას რუსული ბაზები. ნატო-ში გაწევრიანება ნიშნავს საქართველოს სხვა დანარჩენ ტერიტორიაზე ნატო-ს ბაზების განლაგებას. რას ვაკეთებთ? ჩვენს ერთ პატარა ტერიტორიაზე ორ ურთიერთდაპირისპირებულ სამხედრო ძალის განლაგებას ვაპირებთ?!

გამოსავალი მხოლოდ ერთადერთია - დიალოგი რუსეთის უმაღლეს ხელისუფლებასთან. ძალიან კარგი იქნებოდა ეს ვალდებულება პრეზიდენტს აეღო საკუთარ თავზე, ეს მე მხოლოდ გამიხარდებოდა, ძალიან კარგი იქნება, რომ პრემიერმა გახარიამ გაბედოს და გადადგას ქმედითი ნაბიჯი კონფლიქტების დასარეგულირებლად. გახარია ივანიშვილის ქონების დაცვაზე კი ნუ იქნება ორიენტირებული, არამედ იმაზე იყოს ორიენტირებული თუ რა იქნება მისი ქვეყნისთვის აუცილებელი.

მე არ ვიცი გახარია არ თუ არა არის მოსკოვის კაცი, მაგრამ თუ ის დაიწყებს მოსკოვთან მოლაპარაკებას ეს სულაც არ ნიშნავს, რომ ის მოსკოვის კაცია. სამწუხაროდ, არც გახარიას და არც სხვა რომელიმეს დღევანდელ ხელისუფლებაში არ აქვს არც გამბედაობა და არც რესურსი პირდაპირი დიალოგი დაიწყოს რუსეთის უმაღლეს ხელისუფლებასთან. თამამად შემიძლია განვაცხადო, რომ ერთადერთი ვარ ვისაც შეუძლია შეხვდეს რუსეთის ხელისუფლებაში გადაწყვეტილების მიმღებ პირებს და მათთან პირდაპირი დიალოგი აწარმოოს. ხელისუფლებაში ყოფნის და ბერკეტების არსებობის შემთხვევაში მე ნამდვილად შევძლებ ქართულ-რუსულ ურთიერთობაში მნიშვნელოვან გარდატეხას”, - განაცხადა ნინო ბურჯანაძემ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)