რამაზ საყვარელიძე - ჭკვიანური ნაბიჯია ის, რომ მამუკა ხაზარაძე დამოუკიდებლად, პოლიტიკურ პარტიებზე ორიენტაციის გარეშე აპირებს პარლამენტში შესვლას

როგორც თავის დროზე ალეკო ელისაშვილმა თქვა უარი პოლიტიკური პარტიების მხარდაჭერაზე, ანალოგიურ სტრატეგიად აღვიქვი ხაზარაძის განცხადება, რომ ის რომელიმე პოლიტიკურ ძალაზე ორიენტაციას არ აიღებს, - ასე აფასებს პოლიტოლოგი რამაზ საყვარელიძე „ინტერპრესნიუსთან“ მამუკა ხაზარაძის საზოგადოებრივი მოძრაობის „ლელოს“ პრეზენტაციას.

საყვარელიძის შეფასებით, „ჭკვიანური ნაბიჯია“ და „ძალიან საღი დამოკიდებულება“, როცა მამუკა ხაზარაძე დამოუკიდებლად, პოლიტიკურ პარტიებზე ორიენტაციის გარეშე აპირებს პარლამენტში შესვლას.

მამუკა ხაზარაძემ უარი თქვა რომელიმე პოლიტიკურ ძალაზე ორიენტაციაზე. ეს მიმაჩნია ძალიან ჭკვიანურ ნაბიჯად, რადგან საქართველოში პარტიებს არ აქვთ ისეთი ავტორიტეტი, რომ მათთან საქმიანობით ხალხი მოიზიდო, პირიქით. თავის დროზე ელისაშვილმა თქვა უარი პარტიების მხადაჭერაზე თუ გახსოვთ, როცა მერის არჩევნებში მონაწილეობდა. ამან მას წარმატება მოუტანა და საკმაოდ მაღალი შედეგი აჩვენა. ანალოგიურ სტრატეგიად აღვიქვი ხაზარაძის ეს განცხადება, რომ ის რომელიმე პოლიტიკურ ძალაზე ორინტაციას არ აიღებს და ეცდება დამოუკიდებლად შევიდეს პარლამენტში. მაქსიმალურად მაღალი შედეგით და მერე უკვე იმის მიხედვით, ქვეყანას რა გამოადგება, იმის მიხედვით იქნება ორიენტირებული ამა თუ იმ პოლიტიკურ ძალაზე. ძალიან საღი დამოკიდეულებაა“, - აღნიშნა საყვარელიძემ.

რაც შეეხება მამუკა ხაზარაძის გუნდის წევრებს, როგორც ექსპერტმა აღნიშნა, ვინაიდან მან უარი თქვა რომელიმე პოლიტიკური პარტიის წარმომადგენლებთან თანამშრომლობაზე, სავარაუდოდ, მას „ცნობადი სახეები არ ეყოლება“.

„საქართველოში ცნობადის ქვეშ, ძირითადად იგულისხმება ხოლმე პოლიტიკოსები და თუ ხაზარაძე არ აპირებს პოლიტიკოსებზე და არსებულ პოლიტიკურ ჯგუფებსა და ფიგურებზე ორიენტაციას, მაშინ ამ მხრივ ცნობადი სახეები არ ეყოლება“, - აღნიშნა ექსპერტმა.

შეგახსენებთ, „თიბისი ბანკის“ დამფუძნებლის, მამუკა ხაზარაძის საზოგადოებრივი მოძრაობის სახელწოდება „ლელო“ იქნება. შესაბამისი განცხადება ხაზარაძემ ანაკლიაში გააკეთა, სადაც მოძრაობის პრეზენტაცია გამართა.

საზოგადოებრივი მოძრაობა „ლელოს“ დამფუძნებლის, მამუხა ხაზარაძის განცხადებით, არჩევნებამდე არც ერთ პოლიტიკურ ძალასთან ის თანამშრომლობას არ აპირებს.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს