პარიზში უზენაესი სასამართლოების თავმჯდომარეთა კონფერენცია დასრულდა

პარიზში, საფრანგეთის საკასაციო სასამართლოს ეგიდით, ევროპის საბჭოს წევრი ქვეყნების უზენაესი სასამართლოების თავმჯდომარეთა უმაღლესი დონის კონფერენცია გაიმართა, რომელშიც საქართველოს უზენაესი სასამართლოს თავმჯდომარის მოვალეობის შემსრულებელი მზია თოდუა, საქართველოს საკონსტიტუციო სასამართლოს თავმჯდომარის მოადგილე თეიმურაზ ტუღუში და საქართველოს უზენაესი სასამართლოს მოსამართლე, ევროპის საბჭოს მართლმსაჯულების ეფექტიანობის კომისიაში საქართველოს წარმომადგენელი ნინო ბაქაქური მონაწილეობდნენ.

უზენაესი სასამართლოს პრესცენტრის ცნობით, კონფერენცია გახსნა საფრანგეთის საკასაციო სასამართლოს პირველმა პრეზიდენტმა შანტალ არენსმა. მონაწილეებს მისასალმებელი სიტყვით მიმართეს საკასაციო სასამართლოს გენერალურმა პროკურორმა, საკონსტიტუციო საბჭოს პრეზიდენტმა, სახელმწიფო საბჭოს ვიცე-პრეზიდენტმა და ადამიანის უფლებათა ევროპული სასამართლოს თავმჯდომარემ.

კონფერენციის ფარგლებში გაიმართა სამი პარალელური სესია: სასამართლოს წინაშე სამართლებრივი დაცვის ეფექტური საშუალებების, ეროვნული სასამართლოებსა და ადამიანის უფლებათა ევროპულ სასამართლოს შორის ურთიერთობის, გამოხატვის თავისუფლებისა და პირადი და ოჯხური ცხოვრების უფლების ურთიერთმიმართებასთან დაკავშირებით.

კონფერენციაში მონაწილე დელეგაციების ხელმძღვანელებს ელისეს სასახლეში საფრანგეთის პრეზიდენმა ემანულ მაკრონმა უმასპინძლა.

კონფერენციის დასასრულს მონაწილეებს სიტყვით მიმართეს საფრანგეთის იუსტიციის მინისტრმა და ევროპის საბჭოს გენერალურმა მდივანმა. კონფერენციამ მუშაობა 13 სექტემბერს დაასრულა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს