საუდის არაბეთმა ნავთობმრეწველობის ობიექტებზე განხორციელებული ფართომასშტაბიანი შეტევის შემდეგ ნავთობის ძირითადი მოპოვება პრაქტიკულად აღადგინა. ამის შესახებ „ოპეკ“-ის გენერალურმა მდივანმა მოჰამედ ბარკინდომ განაცხადა.
„საუდის არაბეთმა მოპოვების ძირითადი მოცულობა პრაქტიკულად მთლიანად აღადგინა და ობიექტების კაპიტალურ რემონტზე ზრუნვაც უკვე დაიწყო. შეგვიძლია შვებით ამოვისუნთქოთ, ეს უბედური შემთხვევა უკან მოვიტოვეთ“, - განაცხადა ბარკინდომ ყაზახეთში, საერთაშორისო ფორუმზე სიტყვით გამოსვლისას.
14 სექტემბერს, ნავთობმრეწველობის ობიექტებზე უპილოტო საფრენი აპარატებით თავდასხმის შემდეგ, საუდის არაბეთის ექსპორტი დღეში 9,8 მილიონი ბარელიდან 5,7 მილიონი ბარელით შემცირდა. საუდის არაბეთი 11 მილიონამდე სიძლავრის აღდგენას სექტემბრის ბოლოსთვის აპირებს, 12 მილიონამდე - ნოემბრის ბოლოსთვის.