2020 წელს საგზაო პროექტებს 1 მილიარდ 315 მილიონ ლარზე მეტი მოხმარდება

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ბიუჯეტი, 2020 წელს, 1 მილიარდ 315 მილიონ ლარზე მეტი იქნება. საერთაშორისო მაგისტრალურ გზებთან ერთად მნიშვნელოვანი თანხა დაიხარჯება რეგიონულ და მთის გზის პროექტებზე.

საავტომობილო გზების დეპარტამენტის ინფორმაციით, მომავალ წელს, აქტიური სამშენებლო სამუშაოები გაგრძელდება რიკოთის საუღელტეხილო გზის ოთხივე ლოტზე და დაიწყება ქვეშეთი-კობის მასშტაბური პროექტი, სადაც ხელშეკრულება ორივე ლოტზე უკვე გაფორმებულია.

2020 წლის ივლისში დასრულდება ხაშურის შემოვლითი 13 კმ-იანი ოთხზოლიანი ცემენტ-ბეტონის მაგისტრალური გზა, ასევე სამტრედია-გრიგოლეთის მე-2, 18 კმ-იანი მონაკვეთის მშენებლობა, ხოლო მოძრაობა გაიხსნება 14-კილომეტრიან მონაკვეთზე, რომელიც ყველაზე მჭიდროდ დასახლებული მონაკვეთის შემოვლის საშუალებას მოგვცემს.

გარდა ამისა, როგორც საავტომობილო გზების დეპარტამენტში აცხადებენ, მომავალ წელს იგეგმება ქუთაისის -სამტრედიის შემოვლითი 200 მილიონი ლარის ღირებულების მაგისტრალური, 41 კმ-იანი ახალი 2 ზოლის მშენებლობა, რაც ამ მიმართულებით ორმხრივ უასაფრთხო გადაადგილებას უზრუნველყოფს და ამასთანავე მოძრაობას განტვირთავს ქალაქ ქუთასში.

ჩქაროსნული მაგისტრალების გარდა, 2020 წელს, საერთო ჯამში დაგეგმილია 600 კმ-მდე შიდა გზების რეაბილიტაცია და პერიოდული შეკეთება.

ადგილობრივი თვითმმართველობის მხარდაჭერის პროგრამის ფარგლებში ზუგდიდში, ქუთაისში, ფოთში, ხობში, ნინოწმინდაში, ლაგოდეხსა და სხვა მუნიციპალიტეტებში გათვალისწინებულია ინფრასტრუქტურული პროექტების განხორციელება, ჯამური ღირებულებით 150 მილიონი ლარი.

მიმდინარე წელს, საავტომობილო გზების დეპარტამენტის ბიუჯეტი 1 302 მილიონი ლარის ოდენობით განისაზღვრა, რაც 3.5-ჯერ აღემატება 2012 წლის ბიუჯეტს, ხოლო 8 %-ით მეტია წინა წლის მაჩვენებელთან მიმართებაში.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო