ნეპალის პოლიციამ პარლამენტის ყოფილი სპიკერი გაუპატიურების მცდელობის ბრალდებით დააკავა
პოლიციამ ნეპალის პარლამენტის ყოფილი თავმჯდომარე დააკავა, რომელსაც ყოფილი თანამშრომელი გაუპატიურების მცდელობაში ადანაშაულებდა.
კრიშნა ბაჰადურ მაჰარა, რომელიც მმართველი კომინისტური პარტიის წევრია, ბრალდებებს უარყოფს, თუმცა, თანამდებობიდან მას შემდეგ გადადგა, რაც დაზარალებულმა ქალმა გასულ კვირას მომხდარის დეტალებზე ისაუბრა.
ვიდეო ინტერვიუში, რომელიც მედიამ გაავრცელა, ქალი აცხადებს, რომ ინციდენტის დროს, მაჰარა ნასვამ მდგომარეობაში იმყოფებოდა.
„არ მეგონა, თუ საქმე აქამდე მივიდოდა. თავი მას შემდეგ დამანება, რაც პოლიციის გამოძახებით დავემუქრე“, -ამბობს დაზარალებული.
ცნობისთვის, პარასკევს, გაერომ და ნეპალში მოქმედმა საელჩოებმა ერთობლივი განცხადება გაავრცელეს, რომლითაც მთავრობას მოუწოდეს იმოქმედოს გენდერული ნიშნით ძალადობის წინააღმდეგ.
ინფორმაციას „ალჯაზირა“ ავრცელებს.
