20-21 ივნისის საქმეზე ბრალდებულების: მორის მაჩალიკაშვილის, გოგი ქურდოვანიძისა, ილია მემარნიშვილის და ბეჟან ლორთქიფანიძის სასამართლო პროცესი გადაიდო. აღნიშნულის მიზეზი ტექნიკური დეტალი გახდა. კერძოდ, საქმის პროკურორებს აღნიშნული პროცესის დაწყებიდან ერთ საათში სხვა სასამართლო პროცესიც ჰქონდათ ჩანიშნული.
„დღევანდელ პროცესზე დაიწყო საქმის არსებითი განხილვა, სადაც მხარეები შესავალი სიტყვით წარვსდექით, თუმცა, ამის შემდგომ ბრალდების მხარემ იშუამდგომლა, რომ მათ სხვა პროცესიც ჰქონდათ და სხვა პროცესზეც იყვნენ გასასვლელები. სწორედ ამიტომ დღევანდელი პროცესი გადადო. რაც შეეხება მტკიცებულებებს და წარდგენილ ბრალდებას, მინდა მოგახსენოთ, რომ არც ერთი მტკიცებულება არ არსებობს, რომლითაც დგინდება, რომ ბეჟან ლორთქიფანიძემ იძალადა", - განაცხადა ბეჟან ლორთქიფანიძის ადვოკატმა, გიორგი გელხაურმა.