ევროპული საბჭოს პრეზიდენტის, დონალდ ტუსკის განცხადებით, თურქეთმა უნდა გაიზიაროს ევროკავშირის შეშფოთება იმასთან დაკავშირებით, რომ სირიაში მიმდინარე სამხედრო ოპერაცია შესაძლოა, ჰუმანიტარულ კრიზისში გადაიზარდოს. ინფორმაციას „როიტერსი“ ავრცელებს.

„ჩვენ არ დავუშვებთ, რომ ლტოლვილების თემა შანტაჟის იარაღად იქნას გამოყენებული. პრეზიდენტ ერდოღანის გუშინდელი მუქარა, სრულიად უადგილოა“, - განაცხადა ტუსკმა.

შეგახსენებთ, 10 ოქტომბერს, თურქეთის პრეზიდენტმა, რეჯეფ თაიფ ერდოღანმა განაცხადა, რომ „თუ ევროპა განაგრძობს სირიაში მიმდინარე სამხედრო ოპერაციისთვის ოკუპაციის იარლიყის მიკერებას, ანკარა 3,6 მილიონ სირიელ ლტოლვილს ევროპისკენ გაუხსნის გზას“.