პაატა სალია დავით დვალისა და ჯარჯი აქიმიძის მხრიდან „რუსთავი 2“-თან დაკავშირებით სასამართლო დავის დაწყებაზე კომენტარს მას შემდეგ გააკეთებს, რაც სარჩელს გაეცნობა

„რუსთავი 2“-ის გენერალური დირექტორი პაატა სალია დავით დვალისა და ჯარჯი აქიმიძის მხრიდან „რუსთავი 2“-ის 60%-იანი წილის დასაბრუნებლად სასამართლო დავის დაწყებაზე კომენტარს მას შემდეგ გააკეთებს, რაც სარჩელის შინაარს გაეცნობა. ამის შესახებ მან „ინტერპრესნიუსს“ განუცხადა.

მისი განმარტებით, ამ ეტაპზე მას რაიმე სამართლებრივი კვალიფიციური კომენტარის გაკეთება გაუჭირდება.

„მე არ ვიცი სარჩელის შინაარსი, შესაბამისად ახლა რამე კვალიფიციური სამართლებრივი კომენტარის გაკეთება შეუძლებელია. მას შემდეგ, რაც სარჩელის შინაარსი მეცოდინება, ალბათ, ამის შემდგომ გავაკეთებ კომენტარებს. მე არც ის ვიცი, ჩვენ ვართ თუ არა მხარე ამ დავის. რაც შეეხება ზოგადად შანსებს ამ საქმესთან დაკავშირებით, ეს სასამართლოს გადასაწყვეტია“,-განაცხადა პაატა სალიამ.

შეგახსენებთ, რომ მოძრაობა „ლელოს“ წევრის, იურისტის კახა კოჟორიძის ინფორმაციით, .ტელეკომპანია „რუსთავი 2“-ის წილის 60%-ის დასაბრუნებლად დავით დვალი და ჯარჯი აქიმიძე სასამართლოს მიმართავენ.

როგორც „ინტერპრესნიუსს“ კოჟორიძემ განუცხადა, საქმეში მთავარი მოპასუხე ქიბარ ხალვაში იქნება, ასევე მოპასუხე მხარედ სარჩელში დაფიქსირებულია პაატა კარსანიძეც, რომელმაც 2004 წელს „რუსთავი 2“-ის საკონტროლო პაკეტი იყიდა და იმავე დღეს ქიბარ ხალვაშს დაუთმო.შესაბამის სარჩელს კოჟორიძე, აქიმიძე და დვალი 17 ოქტომბერს, თბილისის საქალაქო სასამართლოში შეიტანენ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა