დავით ზალკალიანი - ლავროვთან შეხვედრის საკითხზე ივანიშვილთან ურთიერთობა არ მქონია და დეტალებს დღეს შეიტყობს - უკან რომ დავბრუნდე, იგივე  გადაწყვეტილებას მივიღებდი

საგარეო საქმეთა მინისტრი, დავით ზალკალიანი აცხადებს, რომ მისი და რუსეთის საგარეო საქმეთა მინისტრის, სერგეი ლავროვის შეხვედრის შესახებ „ქართული ოცნების“ თავმჯდომარე, ბიძინა ივანიშვილი ინფორმირებული არ იყო.

როგორც დავით ზალკალიანმა აღნიშნა, ერთადერთი ადამიანი, ვინ ამის შესახებ იცოდა, პრემიერ-მინისტრი გიორგი გახარია იყო.

„მე არ მქონია მასთან ურთიერთობა. ბოლოს მაისში თუ ივნისში ვნახე, მას შემდეგ არანაირი ურთიერთობა არ მქონია ბატონ ბიძინასთან, მითუმეტეს ამ თემაზე. უფრო მეტიც, ის ჩვენი შეხვედრის შესახებ დეტალებს ჩვენი დღევანდელი გამოსვლიდან შეიტყობს. ერთადერთი, ვისთანაც მქონდა ამ საკითხზე კომუნიკაცია, იყო საქართველოს პრემიერ-მინისტრი“, - განაცხადა ზალკალიანმა პარლამენტში, „მინისტრის საათის“ ფორმატი საუბრისას.

მისივე თქმით, არ იცის, რატომ არის განცდა, რომ თავის მართლების რეჟიმშია.

„მე არ ვიცი, რატომ არის განცდა, რომ ჩვენ თავის მართლების რეჟიმში ვართ. მე კიდევ ერთხელ ვიმეორებ, რომ დარწმუნებული ვარ ჩემი გადაწყვეტილების სისწორეში. კიდევ ერთხელ უკან რომ დავბრუნდე, იგივე გადაწყეტილებას მივიღებდი. ეს გადაწყვეტილება ჩვენი პარტნიორების რეკომენდაციიდან გამომდინარე იყო მიღებული და ჩვენ ამაში შინაგანადაც დარწმუნებულები ვიყავით. შეხვედრის დროს, ერთ-ერთ მოლოდინი იყო ის, რომ ჩვენ რუსეთის ფედერაციიისთვის გვეთქვა სათქმელი ღია და გულწრფელ ფორმატში.

ისინი ინფორმაციას იღებენ საოკუპაციო რეჟიმის იმ წარმომადგენლების მხრიდან, რომელთა მეშვეობითაც ახორციელებენ ამ უკანონო ბორდერიზაციას და არა უშუალოდ საქართველო ხელისუფლების მხრიდან, რომლის ტერიტორიაც არის ოკუპირებული. სწორედ ეს იყო ჩვენი შეხვედრის მთავარი თემა,“ - განაცხადა დავით ზალკალიანმა ლავროვთან შეხვედრის საკითხზე საუბრისას.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის