დონალდ ტრამპი - ყველა რესპუბლიკელმა დაიმახსოვროს, რაც აქ ხდება, ეს ლინჩის წესით გასამართლებაა, თუმცა, ჩვენ გავიმარჯვებთ!
ამერიკის შეერთებული შტატების პრეზიდენტი, დონალდ ტრამპი, მისი იმპიჩმენტის მცდელობას, ლინჩის წესით გასამართლებას ადარებს. ინფორმაციას საერთაშორისო მედია ავრცელებს.
„ერთ დღესაც, თუ "დემოკრატი" გახდება პრეზიდენტი და თუ "რესპუბლიკელები", თუნდაც სულ მცირე უპირატესობით გაიმარჯვებენ, მათ შეუძლიათ პრეზიდენტს იმპიჩმენტი გამოუცხადონ, სრულიად უსამართლოდ და კანონიერი უფლების გარეშე. ყველა რესპუბლიკელმა დაიმახსოვროს რაც აქ ხდება-ეს ლინჩის წესით გასამართლებაა, თუმცა ჩვენ გავიმარჯვებთ!“-წერს ტრამპი "ტვიტერის" საკუთარ გვერდზე.
სხვადასხვა დროს, დონალდ ტრამპმა მის წინააღმდეგ მიმართული იმპიჩმენტის პროცედურა „გადატრიალებად“, „კუდიანებზე ნადირობად“ და „თაღლითობად“ მოიხსენია.
შეგახსენებთ, დემოკრატები დონალდ ტრამპის იმპიჩმენტს ითხოვენ, უკრაინის პრეზიდენტ, ვლადიმირ ზელენსკისთან სატელეფონო საუბრის გამო, რომლის დროსაც პრეზიდენტმა ტრამპმა უკრაინელ კოლეგას ჯო ბაიდენის და მისი შვილის საქმეზე გამოძიების დაწყება სთხოვა.
v-if="article.gallery" v-html="article.gallery"
