მამუკა ხაზარაძის, ბადრი ჯაფარიძისა და ავთანდილ წერეთელის მიმართ სისხლის სამართლებრივი დევნა არ შეწყდა და უკანონო შემოსავლების ლეგალიზაციის საქმე სასამართლოს არსებით განხილვაზე გადაეცა

„თიბისი ბანკის საქმე“, რომელიც უკანონო შემოსავლების ლეგალიზაციას ეხება, სასამართლოს არსებით განხილვაზე გადაეცა. თბილისის საქალაქო სასამართლოს მოსამართლემ არ დააკმაყოფილა დაცვის მხარის შუამდგომლობა და ბრალდებულების - მამუკა ხაზარაძის, ბადრი ჯაფარიძისა და ავთანდილ წერეთელის მიმართ სისხლის სამართლებრივი დევნა არ შეწყვიტა.

როგორც სხდომის შემდეგ მამუკა ხაზარაძისა და ბადრი ჯაფარიძის ადვოკატმა ზვიად კორძაძემ ჟურნალისტებს განუცხადა, მოსამართლის გადაწყვეტილება როგორც ამ ნაწილში, ისე აღკვეთის ღონისძიების გაუქმების ნაწილში, რომელიც ასევე არ დაკმაყოფილდა, მოსალოდნელი იყო.

„ჩვენ მზად ვართ საქმის გაგრძელებისთვის. წარდგენილი გვაქვს ყველა მტკიცებულება, რაც ადასტურებს ამ ბრალდების აბსურდულობას. იმედს გამოვთქვამთ და ვიცით, რომ ეს საქმე დამთავრდება ისე, როგორც უნდა დამთავრდეს. სასამართლო დღეს თუ არა, არსებითი განხილვებისას დარწმუნდება ამ ადამიანების უდანაშაულობაში და უფრო მეტიც - გაირკვევა მიზეზები, რატომ ხდება ეს ყველაფერი და რატომ არის საჭირო თვეები იმისთვის, რომ არარსებული ბრალდება განხილული იქნას და ამაზე დადგეს გამამართლებელი განაჩენი", - განაცხადა ზვიად კორძაძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა