ქეთევან ციხელაშვილი სამცხე-ჯავახეთში  სტუდენტებს შეხვდა

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი, მოადგილესთან, ლია გიგაურთან ერთად, სამცხე-ჯავახეთში სახელმწიფო უნივერსიტეტში სტუდენტებს შეხვდა. ამის შესახებ „ინტერპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს.

უწყების ცნობით, შეხვედრაზე სახელმწიფო მინისტრმა სტუდენტებთან სამშვიდობო და სამოქალაქო ინტეგრაციის პოლიტიკაზე ისაუბრა. მიმოიხილა ნაბიჯები, რომელთაც სახელმწიფო შერიგებისა და ჩართულობის მიმართულებით დგამს. აგრეთვე, პროგრამები და პროექტები, რომლებიც სამოქალაქო ინტეგრაციის პოლიტიკის ფარგლებში ხორციელდება.

ქეთევან ციხელაშვილის თქმით, ახალგაზრდებთან კომუნიკაცია, განსაკუთრებით კი რეგიონებში, ძალიან მნიშვნელოვანია, რადგან მათგან ყოველთვის ღირებული იდეები, შეკითხვები და მოსაზრებები მოდის.

„როდესაც სამოქალაქო ინტეგრაციაზე ვსაუბრობთ, ვფიქრობ, სწორედ ახალგაზრდები არიან ის ადამიანები, რომლებიც ამ პროცესში ყველაზე მეტად მონაწილეობენ. ამაყი ვარ, რადგან ძალიან კარგად მომზადებული პროფესიონალების ახალი თაობა გვყავს, რომლებიც კარგად ფლობენ როგორც სახელმწიფო ენას, ისე მშობლიურ ენას. ჩვენი სტაჟირების პროგრამის ფარგლებში, ძალიან ბევრმა, სტაჟირება სხვადასხვა სახელმწიფო უწყებაში გაიარა. პროფესიულ კარიერაში პირველი ნაბიჯები გადადგეს. სტუდენტებს ამ პროგრამებზეც ვესაუბრეთ, რათა შესაძლებლობა ჰქონდეთ მაქსიმალურად ისარგებლონ იმ სიკეთეებით, რომლებიც დღეს მათ სახელმწიფოში იქმნება“, - განაცხადა სახელმწიფო მინისტრმა.

შეხვედრის ბოლოს გაიმართა დისკუსია.ქეთევან ციხელაშვილმა სტუდენტების კითხვებს უპასუხა.

ღონისძიებას აგრეთვე ესწრებოდნენ სამცხე-ჯავახეთის მხარეში სახელმწიფო რწმუნებული – გუბერნატორი ბესიკ ამირანაშვილი და სამცხე-ჯავახეთის სახელმწიფო უნივერსიტეტის რექტორი მაკა ბერიძე.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა