ირაკლი ღარიბაშვილი - ვამაყობთ იმით, რომ ნატო-საქართველოს არსებითი პაკეტის ეფექტიან შესრულებას ვახორციელებთ, რამაც ბოლო 5 წლის განმავლობაში სერიოზული პროგრესი განიცადა

ჩვენ ვამაყობთ იმით, რომ ნატო-საქართველოს არსებითი პაკეტის ეფექტიან შესრულებას ვახორციელებთ, რამაც ბოლო 5 წლის განმავლობაში სერიოზული პროგრესი განიცადა, - ამის შესახებ საქართველოს თავდაცვის მინისტრმა ირაკლი ღარიბაშვილმა ბათუმში, თავდაცვისა და უსაფრთხოების კონფერენციაზე განაცხადა.

როგორც ღარიბაშვილმა აღნიშნა, საქართველო ერთგულია გლობალური მშვიდობისა და უსაფრთხოების გაზრდის თვალსაზრისით ევროკავშირსა და ნატო-ს მისიების ჭრილში.

„როდესაც ჩვენ ვიაზრებთ მიღწეულ პროგრესს და შეთვისებულ გაკვეთილებს, ვმუშაობთ ნატო-სთან ერთად, რათა შევიმუშავოთ არსებითი პაკეტის მომავალი, რომელიც კონცენტრაციას მოახდენს უფრო დინამიურ და მიზანმიმართულ მიდგომებზე.

საქართველო, როგორც შავი ზღვის უსაფრთხოების არქიტექტურის განუყოფელი ნაწილი, აგრძელებს მონაწილეობას სტრატეგიულ დისკუსიებში ნატო-სთან და ერთგული გახლავთ განახორციელოს პრაქტიკული ზომები საზღვაო-სახმელეთო და საჰაერო კომპონენტში ნატო-საქართველოს შეთავაზების საფუძველზე. როგორც ერთ-ერთი ახლო საოპერაციო პარტნიორი, საქართველო ერთგულია გლობალური მშვიდობისა და უსაფრთხოების გაზრდის თვალსაზრისით ევროკავშირსა და ნატო-ს მისიების ჭრილში - ცენტრალურ აფრიკულ რესპუბლიკაში, მალიში და ავღანეთში ოპერაციების განხორციელებისას. საქართველოს გააჩნია მოკავშირეების ფართო ქსელი, რომელთანაც ვიზიარებთ ერთიან ღირებულებებს და ინტერესებს, ვემყარებით მათ მხარდაჭერას ჩვენი თავდაცვის ძალების განვითარებისას, მათთან ერთად ვდგავართ საერთაშორისო მისიებში, რათა გავამყაროთ თავისუფლებისა და დემოკრატიის ღირებულებები“, - განაცხადა ღარიბაშვილმა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა