გურამ ფალავანდიშვილის განცხადებით, ისინი „თბილისი გალერის“ მიმდებარე ტერიტორიაზე  ფილმის ჩვენების დასრულებამდე დარჩებიან

“გალერია თბილისში” კინოთეატრ “კავეაში” ფილმის “და ჩვენ ვიცეკვეთ” მეორე სეანსი 22:30 წუთზე დაიწყება. კინოთეატრში მაყურებლის შესვლის პროცესს სამართალდამცველები აკონტროლებენ და ადგილზე ამ წუთებში სიმშვიდეა.

გურამ ფალავანდიშვილის განცხადებით, ისინი კინოდარბაზის მიმდებარე ტერიტორიაზე სავაჭრო ცენტრის შენობაში ფილმის ჩვენების დასრულებამდე დარჩებიან.

“ჩვენ ველოდებით, რომ ხალხი ჯგუფად გამოვა და პროტესტს გამოვთქვამთ, მაგრამ ჯგუფად არ გამოდიან. თუ ჯგუფად გამოვლენ სირცხვილის კოროდორში გავატარებთ. სანამ ფილმი არ მორჩება, აქ გავჩერდებით”,-აცხადებს ფალავანდიშვილი.

ამასთან, სავაჭრო ცენტრის დაცვის სამსახურმა მედიას და სავაჭრო ცენტრში მყოფებს მოუწოდა, რომ ტერიტორია დაეტოვებინათ, რადგან სავაჭრო ცენტრის სამუშაო საათები იწურებოდა. ამის მიუხედავად, ფალავანდიშვილი ამბობს, რომ ის ტერიტორიის დატოვებას არ აპირებს.

დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
ქართული პრესის მიმოხილვა 19.11.2019
ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის