ესპანეთში საპარლამენტო არჩევნები მიმდინარეობს. არჩევნები ქვეყანაში წელს მეორედ იმართება. ბოლო 4 წლის განმავლობაში კი ეს უკვე მე-4 რიგგარეშე სააპარლამენტო აჩევნებია. ქვეყნის მოსხლეობამ 350 კონგრესმენი და 208 სენატორი უნდა აირჩიოს.
საარჩევნო უბნები ადგილობრივი დროით 09:00 საათზე გაიხსნა და 20:00-ზე დაიხურება. ქვეყნის მასშტაბით ხმის მიცემის უფლება სულ 37 მილიონ ესპანეთის მოქალაქეს აქვს. წინასწარი გამოკითხვების მიხედვით, პრემიერ-მინისტრ პედრო სანჩესის სოციალისტური მშრომელთა პარტია, სავარაუდოდ, აპრილში მოპოვებულ 123-ზე გაცილებით ნაკლებ მანდატს მოიპოვებს. პოზიციების გაუმჯობესების შანსი აქვთ სახალხო პარტიასა და ულტრამემარჯვენე „ვოქსს“.
შეგახსენებთ, რომ მიმდინარე წლის აპრილში გამართულ საპარლამენტო არჩევნებში პირველ ადგილზე გასულმა სოციალისტურმა მშრომელთა პარტიამ კოალიციური მთავრობის ფორმირება ვერ შეძლო. ამასთან, წარუმატებელი აღმოჩნდა ოპოზიციასთან ივლისში გამართული მოლაპარაკებები.