პარლამენტის თავმჯდომარე არჩილ თალაკვაძე ოპოზიციის მიერ ოზურგეთში, მის მაჟორიტარული ბიუროს ოფისთან გამართულ აქციას და ბოქლომის დადებას სასაცილოს უწოდებს.

როგორც არჩილ თალაკვაძემ ჟურნალისტებს განუცხადა, აღნიშნულ ქმედებაზე პასუხიც ყველამ ნახა.

„როგორც ყველამ ვნახეთ, ეს იყო საკმაოდ სასაცილო აქცია, როდესაც „ნაციონალური მოძრაობის“ და „ევროპული საქართველოს“ რამდენიმე მხარდამჭერი მივიდა მაჟორიტარული ბიუროს ოფისში, სადაც იმართებოდა მოქალაქეების მიღება. ჩემი ბიუროს ხელმძღვანელი ყველა სამუშაო დღის განმავლობაში მოქალაქეებს იღებს და ესაუბრება. მათ სცადეს ბოქლომის დადება. როგორც ვხედავთ, ბოლქომის იქეთ ვერ მიდის კონკრეტული პოლიტიკური ძალის აზროვნება და პოლიტიკური ხედვა, რაც სამწუხაროა. პასუხიც ყველამ ვნახეთ, საზოგადოება ადგილზე ძალიან სწრაფად შეიკრიბა, მათ შორის, ისინი ვინც მიღებაზე იყვნენ. „ნაციონალური მოძრაობას“ საჩუქრად გადასცეს დაჟანგული, ძველი ბოქლომი“, - განაცხადა არჩილ თალაკვაძემ.

„ევროპული საქართველოს“ წევრებმა და სამოქალაქო ატივისტებმა პარლამენტის თავმჯდომარის, ოზურგეთის მაჟორიტარი დეპუტატის, არჩილ თალაკვაძის ბიუროს ოფისს ბოქლომი დაადეს. მათი განცხადებით, ადგილზე „ქართული ოცნების“ აქტივისტები და პოლიცია დაახვედრეს, რის გამოც ადგილი ჰქონდა დაპირისპირებას.