იმედი მაქვს, ხელისუფლება გაიაზრებს, რაც ხდება ჩვენს ქვეყანაში. მოსახლეობაში არის ძალიან დიდი პროტესტის გრძნობა, მართალია, ისინი, „ნაციონალურ მოძრაობას“ არ მიჰყვებიან, მაგრამ ერთ დღეს აუცილებლად გაიღვიძებს ეს პროტესტი,-ამის შესახებ საკრებულოს წევრმა ჯაბა ჯიშკარიანმა საკრებულოს სხდომაზე განაცხადა,რომელიც ხმაურის ფონზე მიმდინარეობდა.

როგორც „ინტერპრესნიუსს“ თბილისის საკრებულოდან აცნობეს, მან კოლეგებს განსხვავებული აზრის პატივისცემისკენ მოუწოდა.

„მე, კიდევ ერთხელ მინდა გთხოვოთ, ძალიან დიდ პატივს ვცემ, ჩვენ კოლეგიალობას, ჩვენ გვიყურებს მთელი საქართველო, მთელი თბილისი და ძალიან ბევრი მოგვეთხოვება თითოეულ ჩვენგანს. დამიჯერეთ, არავის არავის წამოხტომების არ ეშინია. ზოგ-ზოგიერთები ამ დარბაზში მყოფი, ჩირგვებში რომ იჯდა, ჩვენ ტყვიების წვიმაში გვაქვს გავლილი ადამიანის უფლებების დასაცავად და ის ადამიანები, ის ნაძირლები, რომლებიც ტყვიებს გვესროდნენ, თქვენ მოიყვანეთ და თავზე დაგვასვით. დღეს, თურმე მარტო ხაბეიშვილი ყოფილა ქვეყნის მტერი, რა თქმა უნდა, „ნაციონალური მოძრაობა“ არის რევანშისტული ძალა - ამ მანიით შეპყრობილი ძალა, რომელსაც უნდა, ხელისუფლებაში მობრუნდეს და სისხლი ანთხევინოს ძალიან ბევრ ქართველს და შური იძიოს, მაგრამ მითხარით, რა განსხვავებაა - ის ადამიანები რომლებიც ამწესებდნენ ადამიანებს ციხეში - ჩინჩალაძე, მურუსიძე, ალანია - რომელიც შემდეგ კვირაში პარლამენტმა უნდა გაიტანოს, „ქართული ოცნების“ მხარდაჭერით“,-განაცხადა ჯაბა ჯიშკარიანმა.