პარლამენტთან მიმდინარე აქციას სტუდენტები შეუერთდნენ
სტუდენტები პარლამენტის წინ მიმდინარე აქციას „ყველა ერთის წინააღმდეგ" შეუერთდნენ. ისინი პარლამენტის წინ ხმაურით მივიდნენ. სტუდენტებმა მსვლელობა თსუ-ს პირველი კორპუსიდან დაიწყეს და პარლამენტის შენობასთან დაასრულეს.
სტუდენტები სკანდირებდნენ: "ბიძინა დაითვალე აბა რამდენი ვართ", "დაგვიბრუნეთ, მოპარული პროპორციული არჩევნები", "დამოუკიდებელ საქართველოს გაუმარჯოს", "ბიძინა, წადი, წადი". აქტივისტებს ბანერები ჰქონდათ გაშლილი - "ბიძინა მოსამართლეების მასტერი", "გადაგვაგდე?! გადაგაგდებთ", "ჩვენისთანა ბედნიერი, განა არის სადმე ერი?!", "სტუდენტები უსამართლობის წინააღმდეგ".
სტუდენტები თსუ-ს პირველ კორპუსში, 18 ნოემბერს, აქციის დაშლისას დაკავებული მეგობრების მხარდასაჭერად შეიკრიბნენ. ამასთან, აქტივისტები აცხადებენ, რომ ისინი იზიარებენ აქციის "ყველა ერთის წინააღმდეგ" პათოსს, რომ ქვეყანაში არჩევნები პროპორციული წესით უნდა ჩატარდეს.
v-if="article.gallery" v-html="article.gallery"
