პარლამენტის გვერდითა შესასვლელთან, ჭიჭინაძის ქუჩის მხრიდან, აქციის მონაწილეებმა პოლიციის თანამშრომლებს ცხელი ჩაი შესთავაზეს. აქტივისტების თქმით, პოლიციელებს ჩაი იმიტომ შესთავაზეს, რომ გათბნენ, რადგან ისინიც მათსავით დგანან ქუჩაში.

სამართალდამცველებმა შეთავაზებისთვის მადლობა გადაუხადეს, თუმცა ცხელი ჩაი არ გამოურთმევიათ.

ამ წუთებში, ჭიჭინაძის ქუჩაზე პანელური დისკუსია მიმდინარეობს, სადაც ქვეყანაში არსებულ პრობლემებთან დაკავშირებით საუბრობენ.