„ჯორჯიან უოთერ ენდ ფაუერმა“ გლდანში, ანდრონიკაშვილის ქუჩაზე წყალმომარაგების სისტემის რეაბილიტაცია დაიწყო.
„ჯორჯიან უოთერ ენდ ფაუერის“ ინფორმაციით, პროექტის ფარგლებში სრულად შეიცვლება 700 მეტრი სიგრძის წყალმომარაგების ქსელი.
მათივე ცნობით, კომპანია განახლებულ სისტემაზე თანამედროვე ინფრასტრუქტურულ ელემენტებს - ჩამკეტ-მარეგულირებელ უდრულებსა და სახანძრო ჰიდრანტებს დაამონტაჟებს.
"ჯივიპიმ" აღნიშნული პროექტი 27 ნოემბერს დაიწყო და დეკემბრის ბოლოს დაასრულებს.
პროექტის საინვესტიციო ღირებულება 140 000 ლარს შეადგენს.