რომან გოცირიძე - ხელისუფლებამ განაცხადა, რომ გადადიოდა პროპორციულ საარჩევნო სისტემაზე, მაგრამ ეს ინიციატივა სიცრუე და ვირეშმაკობა გამოდგა
სწორედ ხელისუფლებამ განაცხადა, რომ გადადიოდა პროპორციულ საარჩევნო სისტემაზე, მაგრამ ეს ინიციატივა სიცრუე და ვირეშმაკობა გამოდგა, - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ ჟურნალისტებს განუცხადა.
მისივე თქმით, ხელისუფლების მიერ ყველას „გადაგდების“ გამო პასუხი ისეთია, როგორიც უნდა იყოს. გოცირიძის განცხადებით, ბლოკირება, პიკეტი, პარლამენტის მუშაობის შეჩერება და ქუჩის აქციები მსოფლიოში აპრობირებული პოლიტიკური ბრძოლის ხერხებია.
„საკონსტიტუციო ცვლილების ინიცირება მოდიოდა ხელისუფლების მხრიდან. სწორედ ხელისუფლებამ განაცხადა, რომ ის გადადიოდა პროპორციულ საარჩევნო სისტემაზე, მაგრამ ეს ინიციატივა გამოდგა სიცრუე, ვირეშმაკობა, კრიზის განმუხტვისთვის ქართველი ხალხის და საერთაშორისო პარტნიორების მოტყუება და ყველას „გადაგდება“. როგორი როგორი რეაგირება უნდა გვქონდეს? ზუსტად ისეთი, როგორსაც ვაკეთებთ ახლა ჩვენ. ბლოკირება, პიკეტი, პარლამენტის მუშაობის შეჩერება, ქუჩის აქციები, საერთაშორისო ძალისხმევის გამოყენება - ყველა ეს მეთოდი მსოფლიოში აპრობირებული პოლიტიკური ბრძოლის ხერხია, რომელიც მიზნის მისაღწევად გამოიყენება. მიზანს მივაღწევთ, ვინაიდან ეს მოთხოვნა კანონიერი და სამართლიანია,“ - განაცხადა რომან გოცირიძემ.
v-if="article.gallery" v-html="article.gallery"
