„თიბისის“ მომხმარებლებისთვის Garmin-ის მაჯის საათით გადახდა უკვე შესაძლებელია
„თიბისის“ ვიზა და მასტერქარდის ბარათის მფლობელებისთვის Garmin-ის მაჯის საათით გადახდა უკვე ხელმისაწვდომია. ამის შესახებ „ინტერპრესნიუსს“ „თიბისიდან” აცნობეს.
მათი ინფორმაციით, საათით უკონტაქტო გადახდის პროცესი ძალიან მარტივი, სწრაფი და კომფორტულია. ამისათვის Garmin-ის საათში სასურველი ბარათების დამატება და საათის გადახდის ტერმინალთან დადებაა საჭირო.
„გადახდა შესაძლებელია ნებისმიერ ობიექტში, სადაც უკონტაქტო გადახდის ტერმინალია განთავსებული. ტრანზაქციები მაქსიმალურად დაცული და უსაფრთხოა. Garmin-ის საათით გადახდისას, ბარათის მონაცემები მოწყობილობის სერვერში ან გადახდის ტერმინალში არ ინახება, შესაბამისად, კონფიდენციალობა მაქსიმალურადაა დაცული”, - ნათქვამია ინფორმაციაში.
დეტალური ინფორმაცია Garmin-ით გადახდის შესახებ იხილეთ ბმულზე - https://www.tbcbank.ge/web/ka/web/guest/garmin-pay .
v-if="article.gallery" v-html="article.gallery"
