თინა ბოკუჩავა მაგიდაზე ხელების ბრახუნით იურიდიული კომიტეტის სხდომის ჩაშლას ცდილობს
იურიდიულ საკითხთა კომიტეტზე ხმაურია. "ნაციონალური მოძრაობის" წევრი თინა ბოკუჩავა დეპუტატებს კომიტეტის სხდომის ჩატარების საშუალებას არ აძლევს და სხდომის ჩაშლას ითხოვს. ის მმართველი გუნდის წევრებს განცხადებების გაკეთების საშუალებას არ აძლევს და მაგიდაზე ხელებს აბრახუნებს. მანდატურები ბოკუჩავას დამშვიდებისკენ მოუწოდებენ და სიტუაციის დაწყნარებას ცდილობენ.
ანრი ოხანაშვილმა ბოკუჩავას გაფრთხილებით მიმართა, რომ თუ არ დამშვიდდება, მას კომიტეტის სხდომას დაატოვებინებენ.
კომიტეტის სხდომაზე ხმაური მას შემდეგ დაიწყო, რაც თინა ბოკუჩავამ "ქართული ოცნების" წევრებს მონები უწოდა და მათი მისამართით ბრალდებები გააჟღერა.
ანრი ოხანაშვილმა მანდატურებს ბოკუჩავას დარბაზიდან გაყვანისკენ მოუწოდა, თუმცა ბოკუჩავა მათ არ ემორჩილება და კომიტეტის სხდომის დატოვებაზე უარს ამბობს.
v-if="article.gallery" v-html="article.gallery"
