დავით ასათიანი - იმედს ვიტოვებ, რომ „სასამართლო“ სხდომაზე, რომელიც 20 დეკემბერსაა დანიშნული, კეთილგონიერება ეყოფათ და ვაჟა გაფრინდაშვილი გათავისუფლდება

იმედს ვიტოვებ, რომ „სასამართლო“ სხდომაზე, რომელიც 20 დეკემბერსაა დანიშნული, კეთილგონიერება ეყოფათ და ვაჟა გაფრინდაშვილი გათავისუფლდება“, - ამის შესახებ ადვოკატთა ასოციაციის თავმდომარემ დავით ასათიანმა ჟურნალისტებთან საუბრისას განაცხადა.

მისი თქმით, ის გუშინ ფრთხილი ოპტიმიზმით ელოდებოდა ექიმის გათავისუფლებას. „გარკვეული ინფორმაცია გვქონდა, რომ ეს იყო წინასწარი ე.წ. სასამართლო სხდომა და შეიძლებოდა დასრულებულიყო მისი გათავისუფლებით. სამწუხაროა, რომ იქ არავის ყოფნის კეთილგონიერება, რომ ექიმი, რომელიც დაკავებულია ჰუმანური საქმიანობის განხორციელებისთვის და რეალურად არ აღიარებს ბრალს, უკვე თვეზე მეტია უკანონო პატიმრობაშია, გათავისუფლდეს. მე იმედს ვიტოვებ, რომ სხდომაზე, რომელიც 20 დეკემბერს არის დანიშნული, ეყოფათ კეთილგონიერება და ექიმი გათავისუფლდება”,- განაცხადა დავით ასათიანმა.

შეგახსენებთ, რომ ოკუპირებული ახალგორის ე.წ. რაიონულმა სასამართლომ ქართველი ექიმი ვაჟა გაფრინდაშვილი პატიმრობაში დატოვა.