გიორგი ვაშაძე - ველოდებით პარასკევამდე - თუ კიდევ ერთხელ თაღლითობასა და ტყუილს მიჰყოფენ ხელს, ამასაც აუცილებლად ვუპასუხებთ და გვაქვს ადეკვატური გეგმა

"ქართული ოცნება" ჰგავს კუთხეში მიმწყვდეულ ვირთხას, რომელიც დარბის, დარბის და ვეღარ გაიგო, რა უნდა ქნას", - ამის შესახებ "ახალი საქართველოს” ლიდერმა, გიორგი ვაშაძემ განაცხადა.

ვაშაძემ ისაუბრა ოპოზიციისა და ხელისუფლების მოლაპარაკებების მორიგ რაუნდთან დაკავშირებით და განაცხადა, რომ ოპოზიცია პარასკევს ელოდება და თუ „ქართული ოცნება“ „ტყუილს მიჰყოფს ხელს, ამაზეც არსებობს ადეკვატური გეგმა“.

"ქართული ოცნება" ჰგავს კუთხეში მიმწყვდეულ ვირთხას, რომელიც დარბის, დარბის და ვეღარ გაიგო, რა უნდა ქნას, სხვადასხვა მხარეს გარბის ხოლმე. ხან ერთს ამბობენ, ხან მეორეს ამბობენ. დიპლომატების თვალწინ აიღეს პასუხისმგებლობა, რომ პარასკევს საკუთარი შემოთავაზება მოიტანონ და გვთხოვეს, ამ ერთხელაც გვაპატიეთ და კიდევ მოგვეცით კვირაზე ცოტა ნაკლები, რომ ჩვენი წინადადება მოვიტანოთო. ჩვენ ვართ კონსტრუქციული ოპოზიცია, ველოდებით პარასკევამდე. იმის გეგმაც გვაქვს, რომ თუ კიდევ ერთხელ თაღლითობასა და ტყუილს მიჰყოფენ ხელს, ამასაც აუცილებლად ვუპასუხებთ და ამაზეც გვაქვს ადეკვატური გეგმა. რაც შეეხება სხვადასხვა ტიპის განცხადებებს, მარტივ რაღაცას ვიტყვი - "ქართულო ოცნებავ", ვინც იქ დარჩით, არ არსებობს ფორმულა, რომელსაც თქვენ მოიგონებთ, რომლითაც 30%-იანი და მგონი უფრო ნაკლებიცაა ეს მხარდაჭერა, თქვენ ხელისუფლებას შეინარჩუნებთ. შეეგუეთ, რომ ხალხს აღარ უნდა თქვენი მმართველობა და რომ წყნარად და მშვიდად გადახვიდეთ ოპოზიციაში. ხალხს უნდა განვითარება და არა წარსულზე საუბარი, უნდა გაჭირვების და პრობლემის დამარცხება და არა იმის ახსნა-განმარტება, რომ ჩვენ თურმე, მუდამ გაჭირვებულები უნდა ვიყოთ. ხალხს უნდა აქ, ქვეყანაში დასაქმება, ივანიშვილს მივმართავ, და არა ის, რომ საზღვარგარეთ წავიდეთ სამუშაოდ, ოჯახები დავანგრიოთ და საერთოდ დავშალოთ გენოფონდი ქვეყნის. აი, ეს არის რეალური სურათი", - აღნიშნა "ახალი საქართველოს" ლიდერმა.

მანვე ისაუბრა ოპოზიციის უახლოესი მომავლის გეგმებთან დაკავშირებითაც. მისივე თქმით, საბოლოო ჯამში "ქართულ ოცნებას" არჩევნებზე საზოგადოება აუცილებლად გამოუტანს დამარცხების განაჩენს.

"რაც შეეხება ჩვენს გეგმას, ამ კვირის გეგმა გაწერილი გვქონდა, მცირედი კორექტირებები შეიძლება სესიების დამატებამ გამოიწვიოს, რადგან ზუგდიდში ვაპირებდით ხუთშაბათს წასვლას და ახლა შევთანხმდებით, ხუთშაბათზე როგორ მოვიქცევით, რადგან სესია დანიშნეს, ანუ უნდათ, რომ დაამთხვიონ იმ აქციებს, რომელიც ჩვენ გვაქვს რეგიონში, რომ პიკეტირება არ იყოს. არ არის პრობლემა, ამისთვისაც მზად ვიყავით, ესეც ვიცოდით. ჩვენ ჩვენს პროცესს ვაგრძელებთ, მათ ვერ ექნებათ კომფორტული სამუშაო გარემო, კუთხეში მიმწყვდეული ვირთხასავით იბრძოლებენ. სანამ ხაფანგში გაბმულხართ, და ხაფანგში გაბმა იცით, რას ნიშნავს? სიკვდილს ნიშნავს და სანამ ეს მოგსვლიათ, დროულად გონს მოეგეთ და ამ სისულელეებზე ლაპარაკს თავი დაანებეთ. რამდენიც არ უნდა იყოთ, დამარცხებულები ხართ, ამ განაჩენს აუცილებლად გამოგიტანთ არჩევნებით საქართველოს მოსახლეობა", - აღნიშნა გიორგი ვაშაძემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა