არჩილ თალაკვაძე - ვაჟა გაფრინდაშვილის გათავისუფლება არის ხელისუფლების, ოჯახის და მთელი საზოგადოების დამსახურება

ექიმი ვაჟა გაფრინდაშვილის გათავისუფლება არის ხელისუფლების, ოჯახის და მთელი საზოგადოების დამსახურება, - ამის შესახებ პარლამენტის თავმჯდომარემ არჩილ თალაკვაძემ ჟურნალისტებთან საუბრისას განაცხადა.

მისი თქმით, არ არის სწორი იმაზე საუბარი, თუ ვისი დამსახურებაა ექიმის გათავისუფლება.

„საერთოდ აქ დამსახურებაზე საუბარი რამდენად უპრიანია, საზოგადოებამ შეაფასოს. ეს იყო პრობლემა, ადამიანი იყო პატიმრობაში და ჩვენ ვიყავით ვალდებული, რომ გადაგვედგა მაქსიმალურად ყველა ნაბიჯი, რომ ის გათავისუფლებულიყო. პირველი განცხადება ვაჟა გაფრინდაშვილის გათავისუფლებასთან დაკავშირებით სახელმწიფომ გაავრცელა და პირველ რიგში, სახელმწიფო იყო პასუხისმგებელი ამ საქმესთან დაკავშირებით, გადაედგა ნაბიჯები და ყოველდღიური ყურადღება მიექცია თემისთვის. ჩვენ ერთად ვიდექით იმ მნიშვნელოვანი ამოცანის და მოთხოვნის გარშემო, რაც იყო ექიმის გათავისუფლება. ასე რომ, ცალკე არმგონია, სწორი იყოს ჩვენი საზოგადოების დაყოფა, იმასთან მიმართებაში, თუ ვისი დამსახურებაა. საქართველოს ხელისუფლება ყველაფერს აკეთებდა იმისთვის, რომ ექიმი ვაჟა გაფრინდაშვილი დაბრუნებულიყო სახლში. ის უკვე სახლშია და ჩვენ, რა თქმა უნდა, გვიხარია, რომ უვნებლად დაუბრუნდა ოჯახს და გააგრძელებს თავის საქმიანობას”,- განაცხადა თალაკვაძემ.

პარლამენტის თავმჯდომარემ ასევე ისაუბრა საოკუპაციო რეჟიმზე და აღნიშნა, რომ „წარსულშიც იყო გატაცების ფაქტები, უმძიმესი დარღვევები ადამიანის უფლებების და სიცოცხლის ხელყოფის.“

„ეს ფაქტი, კიდევ ერთხელ აჩვენებს საოკუპაციო რეჟიმის და რუსეთის ფედერაციის დამოკიდებულებას ადამიანის და ადამიანური ღირებულებების მიმართ. ჩვენ მომავალშიც გავაგრძელებთ პრინციპულად ყველა საერთაშორისო ფორმატში იმ შემთხვევებისა და იმ პრობლემების წამოწევას, რომელიც საოკუპაციო რეჟიმს ახლავს თან. წარსულშიც იყო გატაცების ფაქტები, უმძიმესი დარღვევები ადამიანის უფლებების და სიცოცხლის ხელყოფის, რაც მიუთითებს, რომ ეს კონფლიქტი არ არის გაყინული კონფლიქტი. ევროპამ აშშ-მ და ჩვენმა პარტნიორებმა ძალიან კარგად იციან, რომ ეს კონფლიქტი გრძელდება და ყოველდღიურ რეჟიმში იწვევს პრობლემებს, ეხება ადამიანებს და პრობლემებს უქმნის საქართველოს“,- განაცხადა არჩილ თალაკვაძემ.

ცნობისთვის, ექიმი ვაჟა გაფრინდაშვილი უკანონო პატიმრობიდან დღეს გათავისუფლდა. ის ახლა ოჯახთან ერთად თბილისში, საკუთარ საცხოვრებელ სახლში იმყოფება.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა