დონალდ ტრამპი ჰანუქას დღესასწაულზე ხუთი ადამიანის დაჭრის ფაქტს ეხმაურება

ანტი-სემიტიზმის ბოროტების წინააღმდეგ საბრძოლველად და აღმოსაფხვრელად ყველა ერთად უნდა დავდგეთ, - ამის შესახებ აშშ-ის პრეზიდენტმა დონალდ ტრამპმა ნიუ-იორკში ჰანუქას დღესასწაულზე მომხდარ ინციდენტთან დაკავშირებით განაცხადა.

ხუთი ადამიანის დაჭრის ფაქტს ტრამპი სოციალურ ქსელ „ტვიტერში“ გამოეხმაურა და აღნიშნა, რომ მონსიში განხორციელებული ანტისემიტური თავდასხმა „შემაძრწუნებელია.“

„მონსიში, ნიუ-იორკში ჰანუქას დღესასწაულის ბოლო ღამეს განხორციელებული ანტი-სემიტური თავდასხმა შემაძრწუნებელია. ანტი-სემიტიზმის ბოროტების წინააღმდეგ საბრძოლველად და აღმოსაფხვრელად ყველა ერთად უნდა დავდგეთ. მე და მელანია დაშავებულებს სწრაფ და სრულ გამოჯანმრთელებას ვუსურვებთ,“- წერს დონალდ ტრამპი.

შეგახსენებთ, კვირას რაბინის სახლში ჰანუქას დღესასწაულის დროს თავდამსხმელი შეიჭრა, რომელმაც ცივი იარაღით ხუთი ადამიანი დაჭრა. გავრცელებული ინფორმაციით, დაჭრილებს შორის რაბინის შვილიცაა. პოლიციამ 37 წლის თავდამსხმელი ინციდენტიდან რამდენიმე საათში დააკავა.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)