დავით ბერძენიშვილი - მერიას არ მოსწონებია ატრაქციონის  ვიზუალი, ზვიგენი ისეთი არ უნდა ყოფილიყოო - „დროშა ვერ დაკიდენ" ვარიანტის თბილისური ვერსიაა

ბიძინა ივანიშვილს კალენდართან აცდენა აქვს, - ამის შესახებ ჟურნალისტებს „რესპუბლიკური პარტიის" ერთ-ერთმა ლიდერმა, დავით ბერძენიშვილმა სასამართლოში განაცხადა, სადაც გამთენიისას პარლამენტთან ადმინისტრაციული წესით დაკავებული პირების სასამართლო პროცესი მიმდინარეობს, რომელთა შორის მისი შვილი, ზურა ბერძენიშვილია.

„ახლა შევიტყვეთ, რომ მერიას ძალიან არ მოსწონებია ვიზუალი, ზვიგენი ისეთი არ უნდა ყოფილიყოო და ის ატრაქციონი აიღეს. „დროშა ვერ დაკიდენ" ვარიანტის თბილისური ვერსიაა. თუ ეს ატრაქციონი მერიასთან შეუთანხმებელი იყო, მაშინ ამ პატიოსან ხალხს რას ემართლებიან. ეს სულ არ არის სახუმარო კითხვა, ამას სერიოზულად ვსვამ. მერიის ოფიციალურ განცხადებაში წერია, რომ ჩვენთან შეუთანხმებელი იყო ეს და მცირე მეწარმეებმა დადგესო. გასაგებია, რომ მცირე მეწარმეებს ამოეფარნენ.

ბიძინა ივანიშვილს აცდენა აქვს კალენდართან. 2020 წელია, მეთოდები, რაც ივანიშვილს აქვს - როცა ვერ იტანს მისგან უკონტროლო სივრცეებს, კითხვებს და რაც ისმის, არაადეკვატურად იქცევა. ბიძინა ივანიშვილი არის საბჭოთა საქართველო, საბჭოთა საქართველო ყოველთვის დამარცხდება ევროპულ, ევროატლანტიკურ საქართველოსთან", -განაცხადა ბერძენიშვილმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)