თორნიკე შარაშენიძე - შეიძლება ვივარაუდოთ, რომ მსხვერპლის თავიდან ასაცილებლად, ირანელებმა ამერიკელები წინასწარ გააფრთხილეს, რომ ამ მიმართულებით გაუშვებდნენ ბომბებს

შეიძლება ვივარაუდოთ, რომ მსხვერპლის თავიდან ასაცილებლად, ირანელებმა ამერიკელები წინასწარ გააფრთხილეს, რომ ამ მიმართულებით გაუშვებდნენ ბომბებს, - ამის შესახებ „ინტერპრესნიუსს“ ექსპერტმა საგარეო ურთიერთობათა საკითხებში თორნიკე შარაშენიძემ განუცხადა, რითაც გამოეხმაურა ირანსა და აშშ-ს შორის გამწვავებულ ურთიერთობას. შარაშენიძის თქმით, თუკი ერაყში განთავსებული ამერიკული ბაზების წინააღმდეგ ირანის მიერ განხორციელებულ შეტევას მსხვერპლი არ მოჰყვება, მაშინ სიტუაციის ესკალაცია არ მოხდება.

შარაშენიძის განცხადებით, ირანისთვის უპირველესი საზრუნავი ახლა საკუთარ მოქალაქეებში სახის შენარჩუნებაა.

„როგორც ჩანს, დარტყმას, რომელიც ირანმა განახორციელა, მსხვერპლი არ მოჰყვა. შეიძლება ეს დარტყმა სპეციალურად ისე განხორციელდა, რომ მსხვერპლი არ მოყოლილიყო და ირანს სახე შეენარჩუნებინა პირველ რიგში, თავის მოქალაქეებთან. ჯერ ირანს სჭირდება რაღაც ნაბიჯების გადადგმა, რომ არ შერცხვეს. ეს არის მისთვის ამ ეტაპზე ყველაზე მნიშვნელოვანი.

თუ ამ შეტევის იქით საქმე არ წავა, მაშინ იმედი უნდა ვიქონიოთ, რომ რეგიონში მშვიდობა შენარჩუნდება. თუ არადა, შეიძლება სერიოზული გამწვავება მივიღოთ. ჩვენ არ ვიცით რა მოხდა. შეიძლება ვივარაუდოთ, რომ მსხვერპლის თავიდან ასაცილებლად, ირანელებმა ამერიკელები წინასწარ გააფრთხილეს, რომ ამ მიმართულებით გაუშვებდნენ ბომბებს. თუ ასე მოხდა, მაშინ შეიძლება ითქვას, რომ ესკალაცია არ მოხდება და ორივე მხარე ერთმანეთში შეთანხმდა“, - განაცხადა თორნიკე შარაშენიძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა