შეშფოთებული ვართ ცნობებით მსხვერპლის შესახებ, - ამის შესახებ გაერთიანებული სამეფოს საგარეო საქმეთა მინისტრმა, დომინიკ რააბმა განაცხადა. რააბის განცხადებას გაერთიანებული სამეფოს საგარეო და თანამეგობრობის საქმეთა მდივნის ოფისი ავრცელებს.

„ჩვენ ვგმობთ ერაყის სამხედრო ბაზებზე თავდასხმას, რომელზეც კოალიციური ჯარები არიან განთავსებულნი, მათ შორის ბრიტანელი სამხედროებიც. შეშფოთებული ვართ ცნობებით მსხვერპლის და ბალისტიკური რაკეტების გამოყენების შესახებ“,- წერია განცხადებაში.

ცნობისთვის, ირანმა ერაყში მდებარე სამხედრო ბაზებზე თავდასხმა განახორციელა. ქვეყნის სახელმწიფო მედიის ინფორმაციით, სარაკეტო დარტმების შედეგად ათობით ამერიკელი ჯარისკაცი დაიღუპა. ინფორმაციას არ ადასტურებენ აშშ-ში. CNN-ის ცნობით, ინფორმაცია გარდაცვლილთა შესახებ არ ვრცელდება.