ირანის პრეზიდენტის, ჰასან როუჰანის თქმით, რომ არა ყასემ სოლეიმანი, „ევროპის დედაქალაქები დიდი საფრთხის ქვეშ იქნებოდნენ“. ამის შესახებ ჰასან როუჰანიმ „ტვიტერის“ საკუთარ გვერდზე დაწერა.

„გენერალი სოლეიმანი გმირულად იბრძოდა „ისლამური სახელმწიფოს“ „ალ ნუსრაჰის“ „ალ ქაიდას“ წინააღმდეგ. რომ არა მისი ბრძოლა ტერორიზმის წინააღმდეგ, ევროპის დედაქალაქები ახლა დიდი საფრთხის ქვეშ იქნებოდნენ. ჩვენი საბოლოო პასუხი მის სიკვდილთან დაკავშირებით, ამერიკის ჯარების რეგიონიდან გაძევება იქნება“,-წერს როუჰანი.

შეგახსენებთ, რომ ირანმა ერაყში მდებარე ორ ბაზაზე, სადაც კოალიციური ძალები არიან განთავსებული, სარაკეტო თავდასხმა განახორციელა.

მომხდარს წინ უძღოდა, ამერიკის შეერთებული შტატების მიერ ბაღდადის აეროპორტზე განხორციელებული ოპერაცია, რომლის დროსაც სხვა სამხედრო პირებთან ერთად, ირანის სამხედრო მაღალჩინოსანი, გენერალი ყასემ სოლეიმანი დაიღუპა.