ნოდარ ხარშილაძე - ირანმა ისეთი შეტევა მიიტანა, რომელმაც დიდი ზიანი არ მოუტანა ამერიკას - დიდი ალბათობაა იმის, რომ მოვლენები არ გართულდეს

ირანმა ეს გააკეთა შიდა პუბლიკისთვის, ეს იყო წმინდა დემონსტრაციული დარტყმა, ისეთ დროს დაარტყა ამერიკას და ისეთი შეტევა მიიტანა, რომელმაც დიდი ზიანი არ მოუტანა ამერიკის შეერთებულ შტატებს. სწორედ ამიტომ არის დიდი ალბათობა იმისა, რომ არ გართულდეს მოვლენები,- ამის შესახებ "საქართველოს სტრატეგიისა და საერთაშორისო ურთიერთობების კვლევის ფონდის" ექსპერტმა, ნოდარ ხარშილაძემ განაცხადა.

მისი თქმით, მოვლენები შესაძლოა სამი სცენარით განვითარდეს, თუმცა ამერიკა დიდი ალბათობით, ან არ უპასუხებს ირანს, ან ლიმიტირებულ პასუხს გასცემს. ამის შემდეგ კი მთავარია, რომ ირანმა არ დაარტყას ისრაელს, ან არაბეთის ქვეყნებს.

„სამი სცენარით შეიძლება განვითარდეს მოვლენები, პირველი არის ის, რომ ამერიკამ არ უპასუხოს ამ დარტყმას, რადგან ირანმა სიმბოლური დარტყმა განახორციელა ამერიკაზე. მეორე სცენარი, რაც შეიძლება განვითარდეს, ეს არის ლიმიტირებული პასუხი. შესაძლოა, ამერიკამ იგივე გააკეთოს, რაც გააკეთა ირანმა, ანუ რამოდენიმე მცირე დარტყმა მიაყენოს ირანის სამხედრო ობიექტებს. მესამე, შესაძლოა ამერიკა უფრო მასშტაბიან დარტყმაზე წავიდეს და ირანმა თქვას, რომ ეს უკვე ომის აქტი იყო და ამ შემთხვევაში სიტუაცია გართულდება“, - განაცხადა "საქართველოს სტრატეგიისა და საერთაშორისო ურთიერთობების კვლევის ფონდის" ექსპერტმა, ნოდარ ხარშილაძემ.

ნოდარ ხარშილაძეს თქმით, რაღაც ეტაპზე მაინც გართულდება მოვლენები, რადგან წინასაარჩევნო წელია და ტრამპს გამარჯვება კიდევ დასჭირდება.

„ტრამპს კიდევ დასჭირდება გამარჯვება, გენერლის ლიკვიდაცია ტრამპისთვის გამარჯვება და ძალის დემონსტრირება იყო. ერთი წელი დარჩა არჩევნებამდე, ამერიკაში პოპულარულია წარმატებული სამხედრო ქმედებები; ასე რომ, რაღაც შეიძლება კიდევ მოხდეს“, - განაცხადა ხარშილაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი