ყასემ სოლეიმანის ლიკვიდაციის შემდეგ, ამერიკელები დღეს უფრო უსაფრთხოდ არიან,-ამის შესახებ აშშ-ის ვიცე-პრეზიდენტმა მაიკ პენსმა ტელეკომპანია „სიბიენსთან“ ინტერვიუში განაცხადა.
მისი თქმით, სოლეიმანი ტერორისტულ ორგანიზაციებს აფინანსებდა და რეგიონში ძალადობას თესავდა. აშშ-ის ვიცე პრეზიდენტმა განაცხადა, რომ განხორციელებული ავიადარტყმით შეერთებულმა შტატებმა კიდევ ერთხელ დაამტკიცა, ძალადობის მიმართ ტოლერანტული არ იქნება.
შეგახსენებთ, რომ ირანელი გენერალი და „ყუდსის ძალების“ ხელმძღვანელი ყასემ სოლეიმანი 3 იანვარს, აშშ-ის მიერ ბაღდადის აეროპორტზე მომხდარი თავდასხმის შედეგად დაიღუპა.