მასშტაბური ხანძრების ფონზე ავსტრალიაში, ახალი სამხრეთ უელსის შტატში ხელისუფლების საწინააღმდეგო საპროტესტო აქცია გაიმართა.
ქუჩაში გამოსული დემონსტრანტები აცხადებდნენ, რომ ხელისუფლება არაკომპეტენტურია და სტიქიური უბედურების შესაჩერებლად მათ უფრო მეტი უნდა გააკეთონ.
ავსტრალიაში ტყის ხანძრებს რამდენიმე თვეა ებრძვიან. ამ დროისათვის გადამწვარი ტერიტორიის ფართობი 10 მილიონ ჰექტარს აღემატება. სტიქიურ უბედურებას 27 ადამიანი და მილიარდამდე ცხოველი ემსხვერპლა. ხანძარმა 2 300-ზე მეტი სახლი გაანადგურა.