პაკისტანის მიერ კონტროლირებად ქაშმირის რეგიონში ზვავის ჩამოწოლას ბოლო 24 საათის განმავლობაში 57 ადამიანი ემსხვერპლა. ამ ინფორმაციას Reuters ავრცელებს.

გამოცემის ცნობით, ძლიერმა თოვამ და წვიმამ პაკისტანის ჩრდილოეთ ნაწილში სერიოზული პრობლემები შექმნა. ზვავის ჩამოწოლის საფრთხის გამო, აუცილებელი გახდა ათობით დასახლებული პუნქტიდან მოსახლეობის დაუყოვნებლივი ევაკუაცია. სტიქიურ უბედურებას 57 ადამიანი ემსხვერპლა, 10-ზე მეტი კი ამ დრომდე დაკარგულად ითვლება.

ასევე მსხვერპლით დასრულდა ზვავის ჩამოწოლა პაკისტანის მეზობელ ინდოეთში, სადაც სტიქიას 10 ადამიანი ემსხვერპლა.