მამუკა მდინარაძე - ეროვნული დემოკრატიული ინსტიტუტის კვლევების ლოგიკას თუ გავყვებით, მიმდინარე წლის საპარლამენტო არჩევნებში „ქართული ოცნება“ დამაჯერებლად გაიმარჯვებს

პარლამენტის თავმჯდომარის მოადგილემ, საპარლამენტო უმრავლესობის ლიდერმა, მამუკა მდინარაძემ ეროვნული დემოკრატიული ინსტიტუტის (NDI) მიერ გამოქვეყნებულ კვლევებთან დაკავშირებით ბრიფინგი გამართა და წლების განმავლობაში აღნიშნული ორგანიზაციის მიერ დაკვეთილი კვლევების მონაცემების დიაგრამები წარმოადგინა.

მამუკა მდინარაძის განცხადებით, NDI კვლევების აბსოლუტური უმრავლესობა საველე პირობებში CRRC-ის მიერ ჩატარდა, რომელიც "ნაციონალურ მოძრაობასთან" არის დაკავშირებული.

რაც შეეხება „ქართული ოცნების“ შესახებ კვლევების პროგნოზს და არსებულ შედეგებს, იგი შემდეგნაირად გამოიყურება: • 2012 წლის პროგნოზი 18%, საპარლამენტო არჩევნების შედეგი - 54,97%; • 2013 წლის პროგნოზი 29-39%, ქართული ოცნების საპრეზიდენტო კანდიდატის მიერ ნაჩვენები შედეგი - 62%; • 2015-2016 წლებში პროგნოზი 15-20%, 2016 წლის საპარლამენტო არჩევნებზე "ქართული ოცნების" შედეგი - 49%.

„ბოლო კვლევები, რომელიც ისევ CRRC ჩაატარა აპრილში გვაჩვენებს, რომ მაჩვენებელი არის 17%, ხოლო 2019 წლის ივნისის მონაცემებს ემთხვევა ასევე დღევანდელი მოცემულობით ის მაჩვენებელი, რაც წარმოგვიდგინა NDI-ს საქართველოს ოფისის ხელმძღვანელმა. აქაც პროგნოზი არის ძალიან მარტივი - ამ მაჩვენებლებით თუ შესაბამის ლოგიკას გავყვებით "ქართული ოცნება" მიმდინარე წლის საპარლამენტო არჩევნებში დამაჯერებლად გაიმარჯვებს“, - განაცხადა მამუკა მდინარაძემ.

საპარლამენტო უმრავლესობის ლიდერმა ბრიფინგზე NDI-ის საქართველოს ოფისის ხელმძღვანელთან, ლორა თორნტონთან დღეს გამართულ შეხვედრის შესახებაც ისაუბრა.

„დღეს ქალბატონ ლორასთან ძალიან ხანგრძლივი და გულწრფელი საუბარი მქონდა. გვაქვს შეთანხმება უახლოს დღეებში გავმართოთ დისკუსია ამ საკითხებთან დაკავშირებით, რადგან არსებობს კითხვები, რომლებზეც საბოლოო, ამომწურავი პასუხები არ არსებობს. დარწმუნებული ვარ ამ შეთანხმების პირობების შესრულების შემდეგ ჩვენ დავაახლოებთ პოზიციებს და ყველანი ერთად ვეცდებით, ეს კვლევებიც შედარებით ობიექტური გახდეს“, - აღნიშნა საპარლამენტო უმრავლესობის ლიდერმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია