თბილისის საქალაქო სასამართლოში “გირჩის” ლიდერის ზურაბ ჯაფარიძის პროცესი მიმდინარეობს. სხდომას მოსამართლე ვალერიანე ფილიშვილი უძღვება.

სხდომის დაწყებისას, დაკავებულის ადვოკატმა დააყენა შუამდგომლობა, რომ ზურაბ ჯაფარიძისა და 18 ნოემბრის აქციაზე დაკავებული “გირჩის“ ბორდის წევრის, იმედა კლდიაშვილის საქმე ერთად განხილულიყო. აღნიშნული შუამდგომლობა მოსამართლე

ფილიშვილმა დააკმაყოფილა და დღევანდელი სხდომა გაერთიანებული წესით მიმდინარეობს.

შეგახსენებთ, “გირჩის” ლიდერი ზურან ჯაფარიძე 18 ნოემბერს აქციის დაშლისას დააკავეს. გამოძიება ადმინისტრაციული კოდექსის 166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლებით მიმდინარეობს, რაც 15 დღით თავისუფლების აღკვეთას ან ფინანსურ სანქციას გულისხმობს.