სასულიერო პირი, რომელსაც მეუღლე ძალადობაში ადანაშაულებს, სინანულისთვის მონასტერში გამწესდა
სასულიერო პირი ლაშა ჩიქოვანი, რომელსაც ყოფილი მეუღლე ფიზიკური ანგარიშსწორების მუქარაში ადანაშაულებს, სინანულისთვის მონასტერში გამწესდა.
როგორც „ინტერპრესნიუსს“ საქართველოს საპატრიარქოს პრესცენტრის ხელმძღვანელმა, დეკანოზმა ანდრია ჯაღმაიძემ განუცხადა, ლაშა ჩიქოვანი მონასტერში უკვე გაიგზავნა, თუმცა დეკანოზი არ აკონკრეტებს, რომელ მონასტერში გამწესდა სასულიერო პირი და იქ რამდენი ხნის განმავლობაში დარჩება.
ცნობისთვის, ლაშა ჩიქოვანს თბილისის საქალაქო სასამართლომ აღკვეთის ღონისძიების სახით 3000-ლარიანი გირაო შეუფარდა.
აღნიშნულ საქმეზე წინასასამართლო პროცესი 4 მარტს დაინიშნა.
იხილეთ ვიდეო: მღვდელი, რომელსც მეუღლე ძალადობაში ადანაშაულებს, მონასტერში გამწესდა
