ქუთაისის საერთაშორისო აეროპორტში "კორონავირუსთან" დაკავშირებით მგზავრებს ამოწმებენ

ქუთაისის საერთაშორისო აეროპორტში "კორონავირუსთან" დაკავშირებით მგზავრებს საგანგებო სიტუაციების კოორდინაციისა და გადაუდებელი დახმარების ექიმები ამოწმებენ.

როგორც ექიმები აცხადებენ, შემოწმება რამდენიმე დღის წინ დაიწყო, თუმცა შემოწმებულ მგზავრებში "კორონავირუსის" დამახასიათებელი სიმპტომი, მაღალი სიცხე არ გამოვლენილა. მათი თქმით, ქუთაისში მგზავრების შემოწმება იქამდე გაგრძელდება, ვიდრე ვირუსის გავრცელების საფრთხე არსებობს.

აეროპორტში ვირუსთან დაკავშირებით ბუკლეტებს არიგებენ.

"აეროპორტში ჩვენი სამსახური ჩაერთო "კორონავირუსის" გამოვლენის საქმეში. ვამოწმებთ ყველას, ვისაც აქვს კონტაქტი იმ ქვეყნებთან, სადაც ეს ვირუსი დაფიქსირდა. ამ ეტაპზე შემოწმებული გვყავს 10 მგზავრი. აქედან ზოგი თავისით მოვიდა და გვთხოვა შეგვემოწმებინა, რადგან მათ გაიარეს ჩინეთში. არცერთ მგზავრში საბედნიეროდ, არ გამოვლინდა მაღალი ტემპერატურა და "კორონავირუსი". ზოგადად საქართველო ითვლება დაბალი რისკის ქვეყნად ამ ვირუსთან მიმართებაში. ვიდრე საფრთხე იარსებებს, მსგავსი ტიპის შემოწმება ქუთაისის საერთაშორისო აეროპოტრში გაგრძელდება", - განაცხადა ექიმმა.

იხილეთ ვიდეო: ქუთაისის აეროპორტში კორონავირუსთან დაკავშირებით მგზავრების შემოწმება დაიწყო

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს