დონალდ ტრამპი - ჩინეთს დახმარება შევთავაზეთ, ჩვენ არაჩვეულებრივი ექსპერტები გვყავს
აშშ-ის პრეზიდენტის დონალდ ტრამპის ინფორმაციით, აშშ-მ ჩინეთს ახალ კორონავირუსთან დაკავშირებით დახმარება შესთავაზა.
„ვირუსთან დაკავშირებით ჩინეთთან ძალიან მჭიდრო კომუნიკაცია გვაქვს. აშშ-ში ვირუსის ძალიან მცირე შემთხვევა დაფიქსირდა, თუმცა სიტუაციას მკაცრად ვაკონტროლებთ. ჩინეთს საჭირო დახმარება შევთავაზეთ. ჩვენ არაჩვეულებრივი ექსპერტები გვყავს!“, - წერს დონალდ ტრამპი სოციალურ ქსელ „ტვიტერში.“
ჩინეთში, კორონავირუსით გარდაცვლილთა რაოდენობა 106-მდე გაიზარდა. გუშინ, აშშ-მ და კანადამ საკუთარ მოქალაქეებს ჩინეთში გამგზავრებისგან თავის შეკავებისკენ მოუწოდეს.
იხილეთ ვიდეო: დონალდ ტრამპი - ჩინეთს დახმარება შევთავაზეთ, ჩვენ არაჩვეულებრივი ექსპერტები გვყავს
