ამირან გამყრელიძე არ აკონკრეტებს, გამოთქვა თუ არა ქალაქ უხანიდან გამოსვლის სურვილი საქართველოს რომელიმე მოქალაქემ

ეს პერსონალური ინფორმაციაა, არ მაქვს უფლება გითხრათ,- ასე პასუხობს დაავადებათა კონტროლის ეროვნული ცენტრის ხელმძღვანელი ამირან გამყრელიძე "ინტერპრესნიუსის" კითხვას, თუ გამოთქვა უხანში მყოფმა საქართველოს რომელიმე მოქალაქემ საქართველოში დაბრუნების სურვილი.

როგორც მან ჟურნალისტებთან განაცხადა, აღნიშნულ საკითხთან მას კონტაქტი აქვს ჩინეთში საქართველოს ელჩთან.

„საკითხთან დაკავშირებით ვმუშაობთ, მეც ვარ ჩართული, მაქვს კონტაქტი საქართველოს ელჩთან ჩინეთში. საგარეო საქმეთა სამინისტრო მუშაობს ჩვენს პარტნიორ ქვეყნებთან, რომ ეს ადამიანები ნებაყოფლობით გამოვიყვანოთ. რამდენიმე დიდმა ქვეყანამ განაცხადა თავისი მოქალაქეების გაყვანასთან დაკავშირებით. ჩემი ინფორმაციით, გაიყვანა ნაწილობრივ მხოლოდ იაპონიამ და ამერიკის შეერთებულმა შტატებმა, თუმცა, არა სრულად. ასევე, ემზადება გერმანია, თურქეთი და რამდენიმე დიდი ქვეყანა. მიდის მოლაპარაკებები. ჩინეთის მხარე ითხოვს, რომ ეს ადამიანები გაყვანის შემდეგ 14-დღიან კარანტინში იყვნენ”, - განაცხადა ამირან გამყრელიძემ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)