„ევროპული საქართველოს“ ერთ-ერთმა ლიდერმა გიგი უგულავამ უზენაესი სასამართლოს გადაწყვეტილება შესაძლოა, ადამიანის უფლებათა ევროპულ სასამართლოში გაასაჩივროს.
უგულავას თქმით, აღნიშნულ საკითხზე ადვოკატები ისაუბრობენ და სამართლებრივი ბრძოლა გაგრძელდება.
„მე არ ვაღიარებ არაფერს, არც ბრალს ვიღებ, მაგრამ ვიღებ სასჯელს. იმიტომ ვიღებ სასჯელს, რომ ივანიშვილის საქართველოში ციხე არის ის ადგილი, სადაც შეიძლება, ადამიანმა იპოვო თავისუფლება და მე ამ თავისუფლებას აუცილებლად ვიპოვი. სამართლებრივი ბრძოლა თავისი გზით გაგრძელდება, მაგრამ უნდა გვესმოდეს, რომ ეს ნაწილი საერთოდ არაფერ კავშირში არ არის სამართალთან. ეს არის გონება დაბინდული, შიშისაგან დამფრთხალი ადამიანის ქმედებები, რომელიც აზიანებს ქვეყანას, აზიანებს მის მომავალს და აზიანებს მის პერსპექტივას. ჩვენ ეს უნდა მივიღოთ მოცემულობად უნდა მივიღოთ გამოწვევად და ჩვენ ეს უნდა დავამარცხოთ. ციხე, ამ შემთხვევაში, არის ერთ-ერთი შესაძლებლობა ბრძოლის და მე ამ ბრძოლას აუცილებლად გავაგრძელებ ციხიდან“,- განაცხადა გიგი უგულავამ.
ცნობისთვის, უზენაესმა სასამართლომ გიგი უგულავა ე.წ ფონდის საქმეზე თანხის გაფლანგვაში დამნაშავედ ცნო და 3 წლით და 2 თვით პატიმრობა შეუფარდა.