აკაკი ბობოხიძე - „ქართულ ოცნებასთან“ დიალოგი მათივე ინიციატივით დასრულებულია - ჩვენ სხვა რეჟიმზე გადავედით

„ქართულ ოცნებასთან“ დიალოგი მათივე ინიციატივით დასრულებულია. ჩვენ სხვა რეჟიმზე გადავედით, - ამის შესახებ „ევროპული საქართველოს“ წევრმა აკაკი ბობიხიძემ განაცხადა, რითაც გამოეხმაურა უმრავლესობის ლიდერის, მამუკა მდინარაძის განცხადებას, რომ „ქართული ოცნება“ ოპოზიციას დიალოგის მაგიდასთან იწვევს.

აკაკი ბობოხიძის განმარტებით, მოლაპარაკებები „ქართულმა ოცნებამ“ ჩაშალა და ამაზე შეთანხმებულია არამარტო შიდაპოლიტიკური სპექტრი, არამედ ყველა საერთაშორისო პარტნიორი.

„ქართული ოცნება“ მზად არ არის მოლაპარაკებებისთვის, მას მოლაპარაკება და დიალოგი არ უნდა შეთანხმებისთვის, მას დიალოგი უნდა მხოლოდ იმისათვის, რომ დასავლელ პარტნიორებს აჩვენოს, რომ ვლაპარაკობთ. ბუნებრივია, ამ ფუფუნების საშუალებას „ქართულ ოცნებას“ ჩვენ ვერ მივცემთ. დასრულებულია „ქართულ ოცნებასთან“ დიალოგი მათივე ინიციატივით. ჩვენ სხვა რეჟიმზე გადავედით. გადავედით რეჟიმზე - არსებული საარჩევნო სისტემის ფარგლებში „ქართული ოცნება“, როგორც პოლიტიკური პარტია არამარტო დავამარცხოთ, არამედ, ზოგადად, გავანადგუროთ როგორც ჭირი ქართული სახელმწიფოსთვის. ეს არის პირადად ჩემი დამოკიდებულება მამუკა მდინარაძის შეთავაზების მიმართ“, - განაცხადა აკაკი ბობოხიძემ.

უმრავლესობის ლიდერის მამუკა მდინარაძის განცხადებით, „ქართული ოცნება“ ოპოზიციას დიალოგის მაგიდასთან იწვევს.

„მიგვაჩნია, რომ დიალოგს და კონსენსუსს ალტერნატივა არ გააჩნია. ეს არის როგორც საზოგადოების მოლოდინი, ასევე ჩვენი საერთაშორისო პარტნიორების რეკომენდაცია, რაც პროცესების სტაბილიზაციასა და არსებული გამოწვევების მშვიდობიანი, კონსტრუქციული გზით გადაწყვეტას გულისხმობს. გვსურს, მადლობა გადავუხადოთ ჩვენ მთავარ სტრატეგიულ პარტნიორს, აშშ-ს საელჩოს, რომელიც როგორც ოპოზიციას, ასევე ჩვენც მოგვიწოდებს დიალოგისკენ და კვლავაც მზად არის ერთგვარი შუამავლის როლი შეასრულოს პოლიტიკური დიალოგის პროცესში”,-აღნიშნა მდინარაძემ.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს