გია ვოლსკი მიიჩნევს, რომ ევროკავშირის მხრიდან „ძალიან კარგი განცხადება“ გაკეთდა

პარლამენტის პირველი ვიცე-სპიკერი გია ვოლსკი ევროკავშირის განცხადებას დადებითად აფასებს. როგორც მან ჟურნალისტებს განუცხადა, დაკვირვება და მონიტორინგი არის ის, რაც დღეს საჭიროა.

"ევროკავშირის მხრიდან ძალიან კარგი განცხადება გაკეთდა. დაკვირვება და მონიტორინგი არის ის, რაც დღეს, ჩვენ აუცილებლად გვჭირდება. არ შეიძლება, თუნდაც, ჩემი პარტია ასი პროცენტით მართალი მეგონოს და ქართულ საზოგადოებას სხვა აზრის მოსმენის საშუალება არ ჰქონდეს. თუ დააკვირდებიან, მონიტორინგს გაუწევენ და შესაბამის შეფასებას მისცემენ, ეს რეჟიმი ჩვენთვისაც მოსახერხებელია", - განაცხადა ვოლსკიმ.

შეგახსენებთ, რომ ევროკავშირის საგარეო სამსახურის პრესსპიკერმა დღეს განცხადება გაავრცელა. ევროკავშირი დეტალურად ეცნობა უზენაესი სასამართლოს მიერ ოპოზიციის ლიდერის, გიგი უგულავას საქმეზე სულ ახლახანს მიღებულ გადაწყვეტილებას.

„გარემოებები, რომლებიც თან ახლავს სასამართლოს გადაწყვეტილებას, არ უწყობს ხელს წინსვლას პოლიტიკური დიალოგის პროცესში, რომლის მიზანი საქართველოში არსებული პოლიტიკური პოლარიზაციის განმუხტვაა, რაც ასე აუცილებელია.

სასამართლოს დამოუკიდებლობის უმაღლესი სტანდარტის, სამართლიანი სასამართლოსა და კანონის უზენაესობის უზრუნველყოფა ის აუცილებელი ვალდებულებებია, რომლებიც საქართველოს ეკისრება ევროკავშირი - საქართველოს ასოცირების შესახებ შეთანხმების ფარგლებში.

ევროკავშირი გააგრძელებს დაკვირვებას საქართველოში მიმდინარე ყველა იმ სასამართლო პროცესზე, რომელიც მაღალ საზოგადოებრივ ინტერესს იწვევს“, - ნათქვამია განცხადებაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს